Illiýstrativnoe foto: ©Alihan Sariev
Jyl basynan beri 11 áskeri qyzmetshi qaitys boldy. Bul týraly Qazaqstan Qarýly Kúshteri Bas áskeri meditsinalyq basqarmasy bastyǵynyń orynbasary Berik Iliiasov aitty, dep habarlaidy QazAqparat.
«Jyl basynan beri 11 áskeri qyzmetshi qaitys boldy. Sonyń ishinde jeteýi alǵan jaraqatynan, al tórt adam naýqasyna bailanysty dúnieden ótti. Osynyń arasynda merzimdi áskeri qyzmette bolǵan sarbazdardyń ekeýi kóz jumdy. Onyń biri qańtar aiynda parashiýtpen sekirý kezinde, ekinshisi - onkologiialyq aýrý saldarynan qaitys boldy», - dedi Berik Iliiasov Senatta tilshiler suraǵyna jaýap bere otyryp.
Budan buryn habarlanǵandai, 2020 jyldan bastap 270 áskeri qyzmetshi qaitys boldy.
Ólim jaǵdailarynyń eń kóp taraǵan sebepterine toqtalsaq, aýyryp qaitys bolý – 36%, kólik apatynyń saldary – 24%, sýitsid – 20%.
