Foto: shutterstock.com
Ishki ister ministrligi 2022 jyldyń 1 qyrkúiegine deiin elge ákelingen sheteldik avtokólikterdi zańdastyrýdy jalǵastyryp jatyr, – dep habarlaidy Polisia.kz.
"23 qańtardan bastap búgingi kúnge deiin aldyn ala onlain tekserýden ótken 200 myńǵa jýyq avtokólik zańdastyrýǵa maquldanyp, onyń ishinde 100 myńnan astam kólik quraly zańdastyryldy.
Sonymen qatar qazirgi ýaqytta Ishki ister ministrligi qosalqy bólshekter retinde ákelingen avtokólikterdi zańdastyrý sharttaryn aiqyndaityn Úkimet qaýlysynyń jobasyn ázirledi. Joba Úkimettiń qaraýyna engizilip, oǵan kelesi aptada qol qoiylady dep kútilýde.
Úkimet qaýlysyna qol qoiylǵannan keiin, birinshi resmi jariialanǵan kúninen bastap 10 kún ótken soń ol qoldanysqa engizilip, sodan keiin biz avtokonstrýktorlardy tirkeýge alýǵa kirisemiz", – dedi QR IIM Ákimshilik politsiia komitetiniń tóraǵasy Qaisar Sultanbaev.
