2021 jyldyń 6 aiynda «Eńbek» memlekettik baǵdarlamasyna 347 myńnan astam adam qatysty, dep habarlaidy "Ult aqparat".
1 shildedegi jaǵdai boiynsha 347,4 myń adam Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna qatysty.
253,6 myń adam jumysqa ornalastyryldy, onyń 141,5 myńy turaqty jumysqa turdy .
Baǵdarlamanyń birinshi baǵyty aiasynda qysqamerzimdi kýrstarǵa 12 myń adam jiberildi.
3,6 myńnan astam adam óz isin ashý úshin jeńildikti mikrokreditter, al 15 myńy qaitarymsyz memlekettik grant aldy.
Sýbsidiialanatyn jumys oryndaryna 126,7 myń adam jumysqa ornalasty.
Onyń ishinde: áleýmettik jumys oryndaryna 15,3 myń adam; jastar praktikasyna – 11,3 myń adam; qoǵamdyq jumystarǵa – 100,1 myń adam.
Eńbek resýrstarynyń utqyrlyǵy sheńberinde 967 otbasy nemese 3 102 adam qonys aýdardy, onyń ishinde 1 346 adam eńbekke qabiletti jasta.
Onyń ishinde 906 adam jańa turǵylyqty jerinde turaqty jumysqa ornalastyryldy jáne 60 adam kásipkerlik qyzmetpen ainalysady.
Esterińizge sala keteiik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalasty. Onyń 319,2 myńy turaqty jumysqa turdy.
Jappai kásipkerlikti damytýǵa 12,7 myń mikrokredit jáne jańa biznes-ideialardy iske asyrýǵa 44,9 myń qaitarymsyz memlekettik grant berildi.
Qysqamerzimdi oqytý kýrstaryna 18,7 myń adam jiberildi, al TjKB uiymdarynda oqytýmen 18,4 myń adam qamtyldy.
Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adam bar 1,8 myń otbasy qonys aýdardy.
