© 24.kz
Shyǵys Qazaqstan oblysynda 30 jylda ázer jóndelgen Alǵabas-Kúrshim joly qurylys jumystary aiaqtalǵanyna jarty jyl ótpei qulai bastaǵan, - dep habarlaidy Tengrinews.kz agenttigi "Habar 24" arnasyna silteme jasap.
Qazir 100 million teńgeden astam qarjy jumsalǵan joldyń jaǵdaiy múshkil.
"Jas balanyń miy siiaqty ǵoi, bylq-bylq etip jatyr. Jolymyzdyń siqy osy, oidym-oidym, júre almaimyz, tehnikamyz jii synady. Balanyń eńbegindei bylqyldaǵan jol júrgizýshilerdiń júikesin de, kóligin de tozdyrdy", - deidi Alǵabas aýylynyń turǵyny Toqtamys Tursynov.
Sala basshylary qurylysshylardan kiná joq ekenin, olar 120 million teńgege tek 7 shaqyrymdy jóndeýi tiis bolǵanyn, biraq halyqqa kómek bolsyn dep merdiger taǵy 3 shaqyrymdy óz esebinen jóndegenin aitady. Jurttyń narazylyǵyn týdyrǵan da osy 3 shaqyrym. Degenmen ákimdik bul ýchaskeni qaita jóndeitin boldy.
"Úsh shaqyrym joldy qaitadan astyna drenaj salyp, trýba salyp qaita jóndeý jospary bar, oǵan aqsha surap biýdjetten ótinim berip qoidyq. Oǵan keminde 500 million aqsha kerek. Jalpy, aýyldy aýdan ortalyǵymen qosatyn bul trassa 30 jylda birinshi ret jóndelgen. Onyń sońy osyndai boldy", - deidi Kúrshim aýdanynyń TÚKSh bóliminiń basshysy Maqsat Ákramov.
