© 24.kz
شىعىس قازاقستان وبلىسىندا 30 جىلدا ەزەر جٶندەلگەن العاباس-كٷرشٸم جولى قۇرىلىس جۇمىستارى اياقتالعانىنا جارتى جىل ٶتپەي قۇلاي باستاعان, - دەپ حابارلايدى Tengrinews.kz اگەنتتٸگٸ "حابار 24" ارناسىنا سٸلتەمە جاساپ.
قازٸر 100 ميلليون تەڭگەدەن استام قارجى جۇمسالعان جولدىڭ جاعدايى مٷشكٸل.
"جاس بالانىڭ ميى سيياقتى عوي, بىلق-بىلق ەتٸپ جاتىر. جولىمىزدىڭ سيقى وسى, ويدىم-ويدىم, جٷرە المايمىز, تەحنيكامىز جيٸ سىنادى. بالانىڭ ەڭبەگٸندەي بىلقىلداعان جول جٷرگٸزۋشٸلەردٸڭ جٷيكەسٸن دە, كٶلٸگٸن دە توزدىردى", - دەيدٸ العاباس اۋىلىنىڭ تۇرعىنى توقتامىس تۇرسىنوۆ.
سالا باسشىلارى قۇرىلىسشىلاردان كٸنە جوق ەكەنٸن, ولار 120 ميلليون تەڭگەگە تەك 7 شاقىرىمدى جٶندەۋٸ تيٸس بولعانىن, بٸراق حالىققا كٶمەك بولسىن دەپ مەردٸگەر تاعى 3 شاقىرىمدى ٶز ەسەبٸنەن جٶندەگەنٸن ايتادى. جۇرتتىڭ نارازىلىعىن تۋدىرعان دا وسى 3 شاقىرىم. دەگەنمەن ەكٸمدٸك بۇل ۋچاسكەنٸ قايتا جٶندەيتٸن بولدى.
"ٷش شاقىرىم جولدى قايتادان استىنا درەناج سالىپ, ترۋبا سالىپ قايتا جٶندەۋ جوسپارى بار, وعان اقشا سۇراپ بيۋدجەتتەن ٶتٸنٸم بەرٸپ قويدىق. وعان كەمٸندە 500 ميلليون اقشا كەرەك. جالپى, اۋىلدى اۋدان ورتالىعىمەن قوساتىن بۇل تراسسا 30 جىلدا بٸرٸنشٸ رەت جٶندەلگەن. ونىڭ سوڭى وسىنداي بولدى", - دەيدٸ كٷرشٸم اۋدانىنىڭ تٷكش بٶلٸمٸنٸڭ باسشىسى ماقسات ەكراموۆ.
