Elbasy Nursultan Ábishuly Nazarbaevtyń «Bolashaqqa baǵdar: rýhani jańǵyrý» maqalasyndaǵy eń sońǵy atalǵan mindetterdiń biri «100 jańa esim» jobasyn kóterý bolatyn. Bul árine birinshiden kimderdiń esimi jáne olarǵa beriletin baǵa qandai bolmaq degen suraqtardy týyndatady.
«Qazaqstandaǵy 100 jańa esim» jobasy – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarihy» mine bul elbasy aityp otyrǵan jobanyń ereksheligi.
Maqalada kórsetilgendei jobanyń atqaratyn úsh úlken qyzmeti bar:
1. Aqylmen, qolymen, darynymen zamanaýi Qazaqstandy jasap jatqan naqty adamdardy qoǵamǵa tanytý;
2. Olarǵa aqparattyq qoldaý jasap, tanymal etýdiń mýltimedialyq alańyn qalyptastyrý;
3. « 100 jańa esim» jobasynyń óńirlik nusqasyn jasaý. El-jurt ultymyzdyń altyn qoryna enetin tulǵalardy bilýge tiis.
Atalǵan úsh qyzmet boiynsha qazirdiń ózinde óńirlik tapsyrmalar qolǵa alynyp, irikteý jumystary bastalyp ketti. Ár aimaqtan shyqqan tulǵalar, qoǵam belsendileri, kásipkerler, saiasatkerler men aqyn-jazýshylar, eldiń búgingi kúni men erteńi úshin eńbek etip jatqan qairatkerlerdiń osy tizimde ekeni anyq. Solardyń ishinen halyqtyń tańdaýy arnaiy komissiianyń sheshimimen júz jańa esimdi anyqtaý mańyzdy.
«100 jańa esim» jobasy negizinde túrli sharalar men konkýrstar uiymdastyrylyp, dóńgelek ústelder ótip jatyr. Bul jappai halyq bolyp qolaý taýyp jatqan jobaǵa degen túsiniktiń durystyǵy. Iaǵni árkim óz aýdanynyń qairatkerine kómektesýge daiyn degen sóz. Jobanyń mánine qarap otyryp bir nárseni jaqsy túsinýge bolady: birige otyryp jumys jasaý arqyly, shynaiy eńbekqor adamnyń eńbegin baǵalaý arqyly oǵan qoldaý kórsetý, uiymshyldyq pen bere-birlikke shaqyrý.
Tasada qalyp tanylatyn talanttar qansha ma. Bul joba osy negizde taptyrmas múmkindik. BAQ arqyly olardy tanystyrý, qoǵamǵa kórsetý, eńbekterin jaryqqa shyǵarý, nasihattaý kerek. Bul arttan erip kele jatqan jas býyn, urpaq úshin úlken kúsh-jiger bolatyny sózsiz. Táýelsizdik jyldarynan keiin az ýaqyt ishinde úlken jetistikke jetken jastar da az emes. Osy jańa esimderdiń qatarynda jas býyndardyń da bolýy mańyzdy. Bul sózimiz anyq bolý úshin elbasynyń maqalasyndaǵy myna bir joldy kórsetsek: «Sondyqtan, olardy televiziialyq derekti týyndylardyń keiipkerine ainaldyrýymyz kerek. Jastar ómirge shynaiy kózben qarap, óz taǵdyrlaryna ózderi ielik ete alatyn azamattar bolýy úshin olarǵa úlgi usynýymyz kerek.».
«100 jańa esim» jobasynyń qola alynyp, janymyzda júrgen jaqsy adamdarǵa múmkindik berý úshin el bolyp, aimaq bolyp, aýdan bolyp kúsh salýymyz kerek. Eńbektiń jasalǵany bir bólek, onyń baǵalanýy bir bólek áńgime.
