«Jýsan» gýmanitarlyq arnaiy operatsiiasy aiasynda júrgizilgen aýqymdy jumystar týraly baiandaityn «Raqymdy uiymym» derekti filmi jaryqqa shyqty, dep habarlaidy "Ult aqparat" UQK baspasóz qyzmetine silteme jasap.
QR UQK daiynaǵan filmde ulttyq qaýipsizdik organdarynyń jedel qyzmetkeri alǵash ret qarýly qaqtyǵys aimaǵynda bolý jaǵdailaryn, arnaiy operatsiianyń daiyndyq protsesin ashady, qazaqstandyq azamattardy Siriiadan qaitarý boiynsha biregei operatsiiany júrgizýge tartylǵan memlekettik organdardyń kúshteri men quraldary týraly áńgimeleidi.
Sondai-aq otandastarymyzdy repatriatsiialaý, áleýmettendirý jáne ońaltý boiynsha júrgizilip jatqan jumystar týraly QR Aqparat jáne qoǵamdyq damý ministri A.Balaeva, QR Syrtqy ister ministriniń orynbasary, qazirgi QR Amerika Qurama Shtattaryndaǵy Tótenshe jáne Ókiletti Elshisi E. Ashyqbaev áńgimeleidi.
