Keiingi 15 jylda Jańaózende munai óndirý 30 paiyzǵa kemip, jumysshylar sany 50 paiyzǵa kóbeigen. Bul týraly Prezident Qasym-Jomart Toqaev Úkimettiń keńeitilgen otyrysynda aitty, dep habarlaidy "Ult aqparat".
"Halyq sany kóbeigen saiyn turaqty jumys oryndary ashylýy kerek. Biraq Mańǵystaý oblysynda osy másele eskerilmegen. Munda jónsiz júrgizilgen kóshi-qon saiasatynyń saldarynan kúrdeli ahýal qalyptasyp otyr. Turǵyndardyń sany kóbeigenimen, áleýmettik infraqurylym salynǵan joq. Jumys oryndary ashylmady. Turmys sapasy tómendep ketti. Jurt «QazMunaiGaz» kompaniiasyna jumysqa turǵyzýdy, joǵary jalaqy berýdi talap etýde. Ashyǵyn aitqanda, Jańaózendegi ken oryndarynyń kópshiligi sarqylyp barady. Bul jaǵdai barshaǵa málim. Sońǵy 15 jylda osy óńirde munai óndirý isi 30 paiyzǵa azaiǵan. Soǵan qaramastan, jumysshylar sany 50 paiyzǵa kóbeidi" - dedi Memleket basshysy.
Prezident dereginshe, eńbekaqy tóleý qory 10 ese artqan.
"Kóp jalaqy tólenetin úsh óńirdiń biri – osy Mańǵystaý ólkesi. Naqty aitsaq, Jańaózen ortasha eńbekaqynyń eń joǵary deńgeii boiynsha kósh bastap tur. Úkimet Jańaózendi damytý úshin arnaiy jospar qabyldady. Respýblikalyq biýdjetten qomaqty qarjy bólip, salyqty azaityp otyr. Osyndai tikelei qoldaý sharalary elimizdiń basqa oblystarynyń esebinen jasalýda. Jurttyń bárine munai-gaz salasynan jumys taýyp berý múmkin emes. Muny ashyq aitýymyz kerek" - dedi Toqaev.
