Amerikalyq Vanes Martirosian (36-3-1, 21 KO) orta salmaqta WBC, WBA (Super), IBF jáne IBO tujyrymdary boiynsha álem chempiony Gennadii Golovkindi (37-0-1, 33 KO) jeńetinine senimdi, - dep habarlaidy Los Angeles Times.
"Zalda qalyp, Qudaidan maǵan múmkindik berýin surap jalbaryndym. Endi osy múmkindikti tolyqtai qoldanamyn. Másele aqshada emes, munda basty nazarda meniń qandai boksshy ekenim, qandai boks tarihym bolatyny. Men eshqashan jeńilmeimin, 100 paiyzǵa bar múmkindigimdi qoldanamyn. Men jeńemin. Jurt sumdyqtyń kýási bolady, men munyń qalai bolaryn bilemin", - dep málimdedi Martirosian.
Munyń aldynda Golovkinniń komandasy kelesi qarsylastyń Vanes Martirosian (36-3-1, 21 KO) ekenin jariia etken edi. Kezdesý 5 mamyrda Los-Andjeles mańyndaǵy Karson qalasynyń StubHub Center arenasynda ótedi. Biletter satylymǵa búgin túsedi.
31 jastaǵy Martirosian Armeniiada týǵan, jeti jasynda otbasymen AQSh-qa kóshken. 2001 jyly ol AQSh-tyń atynan Afinadaǵy Olimpiadaǵa qatysyp, ekinshi ainalymda shyǵyp qalǵan. Budan keiin Martirosian kásipqoi boksqa aýysqan.
