QR Aqparat jáne kommýnikatsiialar ministri Dáýren Abaev jýrnalistika salasynda taǵy bir syilyqtyń taǵaiyndalǵanyn habarlady.
"Qurmetti dostar!Biylǵy jyly otandyq televiziianyń úzdikteri «Tumar» syilyǵymen marapattalǵany belgili. Osy oraida biz basqa BAQ ókilderiniń eńbegin de eskergendi jón kórdik. Sonymen, baspa, radio- jáne internet jýrnalistika salasyna arnalǵan tuńǵysh ulttyq «Úrker» syilyǵyn jariialaimyz" deidi Abaev feisbýktegi jeke paraqshasynda.
Jobanyń maqsat – talantty jýrnalister men sapaly media-jobalarǵa qoldaý kórsetý. Baiqaýdyń qazylar alqasy osy salanyń maitalmandary men qoǵam qairatkerlerinen jáne sarapshylardan quralady. Qazylardyń tolyq tizimi aldyn ala jariialanady.
"Syilyq 15 atalym boiynsha beriledi. Jýrnalistikanyń dástúrli salalarymen qatar, «úzdik fotosýret», «Qazaqstan týraly eń úzdik tanymdyq material» jáne «Qaznettegi media serpilis» siiaqty baǵyttar qamtylady.
Baiqaýǵa ótinish 7 mamyrdan bastap el.kz saitynda qabyldanady, syilyqqa qatysty egjei-tegjeili aqparat ta sonda bolmaq. Saltanatty marapattaý jýrnalisterdiń kásibi merekesi qarsańynda uiymdastyrylady" deidi ministr.
