Foto: time.kz
Jýrnalisterge jaýap bermeitin memlekettik qyzmetshiler jaýapkershilikke tartylady. Bul týraly óńirlik merzimdi basylymdar forýmynda Aqparat jáne qoǵamdyq damý ministri Darhan Qydyráli aitty, dep habarlaidy QazAqparat.
«Endi jýrnalistiń saýalyna mindetti túrde jaýap beriledi. Jaýap berý merzimi qysqarady. Qazir 7 kún bolsa, endi ol 3-5 kún bolyp qysqarady. Sonymen qatar, jaýap bermeitin memlekettik qyzmetshiler jaýapkershilikke tartylady. Munyń barlyǵy jýrnalistiń aqparatqa qoljetimdiligin arttyrý maqsatynda jasalyp otyr», - dep málim etti Darhan Qydyráli.
Sonymen qosa, ministr «Mass media týraly» QR zań jobasy aiasynda jýrnalisterdiń áleýmettik jaǵdaiyn jaqsartý josparlanyp otyrǵanyn atap ótti.
«Qazir zań jobasy qaralyp jatyr. Onda jýrnalisterdiń jeńildikpen páter alýy, aýrýhanalarda jeńildikter paidalanýy týraly normalar bar. Eń qarapaiymy – «Pressa» degen jazýy bar kólikti kez-kelgen jerge qoiý nemese mekemelerge kirý siiaqty kóptegen jeńildikterdi qarastyryp otyrmyz», - dep bólisti ministr.
