Qazaqstan Respýblikasy Aqparat jáne qoǵamdyq damý ministrligi jariia talqylaý jáne barlyq múddeli ortalyq jáne jergilikti memlekettik organdarymen kelisý rásiminen keiin «Jýrnalisterdiń quqyqtary buzylǵan jaǵdaida olardyń quqyqtaryn qorǵaý reglamentin» resmi saitta ornalastyrdy, dep habarlaidy QazAqparat.
Reglamentte jýrnalisterdiń, memlekettik organdardyń quqyqtary men mindetteri jáne jýrnalisterdiń quqyqtary buzylǵan jaǵdaidaǵy Ministrliktiń is-áreketteri kózdelgen.
Reglamenttiń negizgi maqsaty jýrnalisterdiń quqyqtary buzylǵan jaǵdaida olardyń quqyqtaryn qorǵaýdyń qosymsha tetikterin ázirleý bolyp tabylady. Reglament memlekettik organdar men BAQ ókilderi úshin aqparattyq-túsindirý sipatyndaǵy ádistemelik qural bolyp tabylady.
Ministrlik úshin jýrnalisterdiń quqyqtaryn qorǵaý mańyzdy basymdyq bolyp qala beredi, sondyqtan bul másele árqashan Ministrliktiń erekshe baqylaýynda bolady. Jýrnalist óz quqyqtarynyń buzylý faktisi anyqtalǵan jaǵdaida, máseleni sheshýge kómek kórsetý úshin Ministrlikke júginýge quqyly. Jýrnalisterden kelip túsken barlyq ótinishterdi qaraý barysy QR Aqparat jáne qoǵamdyq damý ministriniń turaqty baqylaýynda.
Reglamentpen kórsetilgen silteme boiynsha tanysýǵa bolady.
