Elimizdegi áleýmettik jaǵynan eń az qorǵalǵan toptyń biri – jýrnalister.
Olar karantin jariialanǵan eldegi barlyq aqparatty úi kórmei, túz jailap, tabanynan taýsylyp, ómirin qaýipke tigip, damylsyz jetkizip jatyr.
Olar karantin jariialanǵan qalada, aýylda, mekemede kameralary men noýtbýktaryn arqalap júr, maskamen-maskasyz. Olar qaýipke toly qoǵamdyq oryndardan, kóshe-alańdardan damylsyz habar berip jatyr.
Olar ózderiniń kásibi jýrnalistik qyzmetine adal.
Sóite tura, olardyń bul memlekettegi quqyqtarynan mindettemeleri kóp bolyp tur. Ruqsattarynan tyiymdary basym túsip jatyr.
Qazaqstandaǵy jýrnalisterdiń quqyqtyq, qaýipsizdik múmkindikteri shekteýli. Áleýmettik kepildikteri joqqa tán.
Aqiqaty osy!
Menińshe, bizdegi quzyrly ministrlik, Úkimet pen Prezident Ákimshiligi, tym quryǵanda karantin ýaqytynda, jýrnalisterdiń jeke bas qaýipsizdigin kúsheitýge, áleýmettik jaǵdailaryn ońaltýǵa kóńil bólýi tiis.
Memlekettik, memlekettik emes buqaralyq aqparat quraldarynyń quryltaishylary men basshylaryna «karantin ýaqytynda jýrnalisterdiń eńbek aqysyn kóterý týraly» keshiktirmei pármen berilýi tiis.
p.s. Úide, teledidar men kompiýterdiń aldynda otyryp, áriptesterim keshke sharshap-shaldyǵyp úilerine qaitady-aý dep oilanamyn.
Azyq-túlikke aqshalary jetpese ne bolady? Aýrý juqtyryp kelse she?..
Talǵat Eshenulynyń feisbýktaǵy jazbasynan
