Keshegi "El aýzynda" baǵdarlamasyna shyqqan men jaily aqparatty oqyp jaǵamdy ustadym.
Baiaǵyda berilgen bir suhbat pen búgingi sózimdi qosyp-shatyp bir material jasapty. Ol bylai tursyn, basqa saittar ózderine yńǵailap taǵy ózgertken. Bir sózben aitqanda oidan qurap, qyrdan qurap áiteýir bir shýly taqyryp qoiý maqsatyna jetipti.
Ánshi men halyqtyń arasynda altyn kópir bolýy tiis jýrnalisterdiń reitingtiń quly bolyp ketkeni qalai?
14 jyl janyńdy arnaǵan otbasyńnyń qiraýy janǵa ońai deisiz be? Jasym qyryqqa jetpegen meniń áli uldy bolǵym kelýi, jaqsylyqqa, jaqsy kúnge meniń de úmitim bolýy aiyp pa?
Jany qinalǵan jannyń jarasyn tyrnap, jiǵan reitingteriń búgin jaqsy jalaqy bolatyn shyǵar. Erteń ómiriń sol arnaǵa burylyp ketse, barmaǵyńdy tistep qalmaisyzdar ma?
"Adam balasy tilimen, qolymen bireýge ziian berse, sol nárse óz basyna kelmei kórge kirmeidi" - delingen hadiste.
Qolym barda qarmap, aýzym barda aityp qalam deseńizder, Allaǵa tapsyrdym. Negizi bul suhbatty alardyń aldynda shyǵarmashylyq pen biznes qana dep kelisimdi alyp alǵan. Suraqtar shyǵarmashylyq pen biznes jaily bolyp, kredit, kúieýge shyǵypsyz degen suraqtar jai, josparsyz arasynda qoiyp qana otyrdy. Sóitsek, bastapqy másele men taqyryp bolypty.
Altynai Jorabaevanyń feisbýktegi jazbasynan
