"Jýrnalister men jekelegen BAQ sheteldik agent retinde tanyla ma" - dep tilshi suraq qoidy.
"Bul bizdiń ádis emes. Meniń oiymsha, bizdiń elde jýrnalister men BAQ qýdalanbaidy. Bizdiń jol - básekege qabiletti ári aýditoriia suranysyna ie bolýy úshin BAQ-tyń jemisti damýy", - dep jaýap berdi ministr.
Sondai-aq, Omarovqa keibir jýrnalister men BAQ-ty sheteldik qarjylandyrý men granttardan bas tartýǵa májbúrleý múmkin be degen suraq qoiyldy.
"Ázirge birde-bir jumys tobyn qurǵan joqpyz, onyń qaralyp, qaralmaityny týraly ne aitamyz. Bastysy - memlekettik múddeni qorǵaýda BAQ-ty birinshi orynǵa qoiý.
"Memlekettik múdde" memleket maǵynasynda emes, bárimiz týraly, biz - memleketpiz. Biz aýditoriiaǵa sapaly aqparat berýimiz kerek, jalǵan, rastalmaǵan aqparattan aýlaq bolýymyz kerek. Neǵurlym qyzyqty, sapaly aqparat bolsa, soǵurlym aýditoriiamyz artyp, BAQ-tyń egemendigin quramyz", - dep qosty Omarov.
Eske salaiyq, buǵan deiin Prezident Qasym-Jomart Toqaev óz Joldaýynda BAQ týraly zań memleket múddesin eskere otyryp, qaita qaralatynyn aitqan bolatyn. Ol ashyq aqparat keńistigin, tanymal jáne kúshti BAQ qurýǵa memleket erekshe kóńil bóletinin aitty.
