Astanada Astana Media week jobasy aiasynda óńirlerdegi qazaq tildi BAQ ókilderine arnap seminar ótkizildi. Jýrnalisterdiń biliktiligin arttyrýǵa baǵyttalǵan jańa formattaǵy seminar «Qazmedia ortalyǵynda» ótti. Aita keteiik, atalǵan is-sharany Qazaqstan Respýblikasy Aqparat jáne kommýnikatsiialar ministrliginiń tapsyrysymen «El-shejire» qoǵamdyq qory uiymdastyrdy.
Treningke «Qazaqstan» teleradiokorporatsiiasynyń filial jetekshileri, oblystyq, qalalyq jáne aýdandyq basylymdardyń redaktorlary men tilshileri, barlyǵy 160-dan astam adam qatysty.
Seminar eki bloktan turdy. Túske deiin jańa mediadaǵy kontentti damytý, aqparattyń ras-ótirigin tekserý (faktcheking) máseleleri talqylandy. Bul týraly treningke qatysýshylarǵa «Minber» jýrnalisterdi qorǵaý ortalyǵy janyndaǵy jańa mediany zertteý tobynyń jetekshisi Ashat Erkimbai jáne «Ulan» gazetiniń redaktory, Factchect.kz qazaq bóliminiń redaktory, mediatrener Juldyz Ábdilda aityp berdi.
Tústen keiin treningke qatysýshylardyń aldynda jýrnalist, Bas redaktorlar klýbynyń vitse-prezidenti Bibigúl Jeksenbai jáne jýrnalist, bloger Órken Kenjebek dáris oqydy. Olardyń dárisi BAQ-tyń damý bolashaǵyna (konvergentti jýrnalistikaǵa), kúrdeli aitys-tartystardy BAQ-ta jariialaý máselelerine arnaldy.
Sonymen qatar trening barysynda kúndelikti ómirdegi ártúrli jaǵdailardy jańa ádister arqyly modeldeý, saraptaý jáne taldaýdy úiretetin praktikalyq sabaqtar ótkizildi.
Seminardyń arqasynda óńirlik BAQ ókilderi tek tyń bilim alyp qana qoimai, ózara tájiribe almasyp, basqa óńirlerden kelgen áriptesterimen iskerlik bailanys ornatty.
Aita ketsek, «Astana Media week» qazaqstandyq media-aptalyǵy elordada 2017 jyldyń 4-6 qazany aralyǵynda ótti. Is-shara Qazaqstan Respýblikasy Aqparat jáne kommýnikatsiialar ministrliginiń tapsyrmasy boiynsha «Qazmedia ortalyǵynda» ótkizildi, onda uiymdastyrylǵan 10 is-sharaǵa 2000 adam qatysyp, 103 spiker sóz sóiledi. Sonymen qatar «Kontent-market» kórmesine 25 respýblikalyq jáne óńirlik telearna, elimizdiń barlyq aimaqtarynan 100 prodakshn-kompaniia qatysty.
Jasulan Naýryzáliev
