استانادا Astana Media week جوباسى اياسىندا ٶڭٸرلەردەگٸ قازاق تٸلدٸ باق ٶكٸلدەرٸنە ارناپ سەمينار ٶتكٸزٸلدٸ. جۋرناليستەردٸڭ بٸلٸكتٸلٸگٸن ارتتىرۋعا باعىتتالعان جاڭا فورماتتاعى سەمينار «قازمەديا ورتالىعىندا» ٶتتٸ. ايتا كەتەيٸك, اتالعان ٸس-شارانى قازاقستان رەسپۋبليكاسى اقپارات جەنە كوممۋنيكاتسييالار مينيسترلٸگٸنٸڭ تاپسىرىسىمەن «ەل-شەجٸرە» قوعامدىق قورى ۇيىمداستىردى.
ترەنينگكە «قازاقستان» تەلەراديوكورپوراتسيياسىنىڭ فيليال جەتەكشٸلەرٸ, وبلىستىق, قالالىق جەنە اۋداندىق باسىلىمداردىڭ رەداكتورلارى مەن تٸلشٸلەرٸ, بارلىعى 160-دان استام ادام قاتىستى.
سەمينار ەكٸ بلوكتان تۇردى. تٷسكە دەيٸن جاڭا مەدياداعى كونتەنتتٸ دامىتۋ, اقپاراتتىڭ راس-ٶتٸرٸگٸن تەكسەرۋ (فاكتچەكينگ) مەسەلەلەرٸ تالقىلاندى. بۇل تۋرالى ترەنينگكە قاتىسۋشىلارعا «مٸنبەر» جۋرناليستەردٸ قورعاۋ ورتالىعى جانىنداعى جاڭا مەديانى زەرتتەۋ توبىنىڭ جەتەكشٸسٸ اسحات ەركٸمباي جەنە «ۇلان» گازەتٸنٸڭ رەداكتورى, Factchect.kz قازاق بٶلٸمٸنٸڭ رەداكتورى, مەدياترەنەر جۇلدىز ەبدٸلدا ايتىپ بەردٸ.
تٷستەن كەيٸن ترەنينگكە قاتىسۋشىلاردىڭ الدىندا جۋرناليست, باس رەداكتورلار كلۋبىنىڭ ۆيتسە-پرەزيدەنتٸ بيبٸگٷل جەكسەنباي جەنە جۋرناليست, بلوگەر ٶركەن كەنجەبەك دەرٸس وقىدى. ولاردىڭ دەرٸسٸ باق-تىڭ دامۋ بولاشاعىنا (كونۆەرگەنتتٸ جۋرناليستيكاعا), كٷردەلٸ ايتىس-تارتىستاردى باق-تا جارييالاۋ مەسەلەلەرٸنە ارنالدى.
سونىمەن قاتار ترەنينگ بارىسىندا كٷندەلٸكتٸ ٶمٸردەگٸ ەرتٷرلٸ جاعدايلاردى جاڭا ەدٸستەر ارقىلى مودەلدەۋ, ساراپتاۋ جەنە تالداۋدى ٷيرەتەتٸن پراكتيكالىق ساباقتار ٶتكٸزٸلدٸ.
سەميناردىڭ ارقاسىندا ٶڭٸرلٸك باق ٶكٸلدەرٸ تەك تىڭ بٸلٸم الىپ قانا قويماي, ٶزارا تەجٸريبە الماسىپ, باسقا ٶڭٸرلەردەن كەلگەن ەرٸپتەستەرٸمەن ٸسكەرلٸك بايلانىس ورناتتى.
ايتا كەتسەك, «Astana Media week» قازاقستاندىق مەديا-اپتالىعى ەلوردادا 2017 جىلدىڭ 4-6 قازانى ارالىعىندا ٶتتٸ. ٸس-شارا قازاقستان رەسپۋبليكاسى اقپارات جەنە كوممۋنيكاتسييالار مينيسترلٸگٸنٸڭ تاپسىرماسى بويىنشا «قازمەديا ورتالىعىندا» ٶتكٸزٸلدٸ, وندا ۇيىمداستىرىلعان 10 ٸس-شاراعا 2000 ادام قاتىسىپ, 103 سپيكەر سٶز سٶيلەدٸ. سونىمەن قاتار «كونتەنت-ماركەت» كٶرمەسٸنە 25 رەسپۋبليكالىق جەنە ٶڭٸرلٸك تەلەارنا, ەلٸمٸزدٸڭ بارلىق ايماقتارىنان 100 پروداكشن-كومپانييا قاتىستى.
جاسۇلان ناۋرىزەليەۆ
