«Nur Otan» partiiasy jýrnalister arasynda jyl saiyn ótetin «Nur Suńqar» respýblikalyq baiqaýynyń bastalǵany týraly jariialady, dep habarlaidy "Ult aqparat" saiasi uiymnyń saityna silteme jasap.
Jeńimpazdar 8 atalym boiynsha anyqtalady. Sonymen qatar Kazaqstan Táýelsizdiginiń 30 jyldyǵyna orai «Táýelsizdik taǵylymy» atty jańa nominatsiia belgilendi.
Qazirgi tańda «Nur Suńqar» syilyǵy – qazaqstandyq jýrnalisterdiń eń úzdik shyǵarmalaryna beriletin otandyq media salasyndaǵy bedeldi marapattardyń biri. Syilyq otandyq BAQ pen jýrnalistikanyń damýyna serpin berýdi kózdeidi.
Baiqaýǵa elimizdiń qoǵamdyq-saiasi taqyryptaǵy, ekonomikalyq, rýhani jańǵyrý jáne partiianyń baǵdarlamalyq qujattary men jobalaryn iske asyrýǵa arnalǵan, sondai-aq partiia men onyń lideri N.Á. Nazarbaevtyń qyzmeti jaily materialdar qabyldanady.
Baiqaý sharty boiynsha 2020 jyldyń 1 qyrkúiegi men 2021 jyldyń 18 maýsymy aralyǵynda jaryq kórgen ártúrli janrdaǵy: ocherk, suhbat, maqala, tele jáne radiohabar, jýrnalistik zertteý materialdary qabyldanady.
Baiqaý jumystary memlekettik jáne orys tilinde tapsyrylady. Ótinishter 2021 jyldyń 20 mamyry men 18 maýsymy aralyǵynda Nur-Sultan ýaqytymen saǵat 19:00-ge deiin qabyldanady.
Jeńimpazdar 8 atalym boiynsha anyqtalady:
«Televiziia úzdigi» – úzdik televiziialyq jýrnalist;
«Ushqyr qalam» – úzdik gazet jýrnalisi;
«QazNet úzdigi» – internet basylymnyń úzdik jýrnalisi»;
«Elbasy salǵan sara jol» – Elbasy qyzmetin jariialaǵany úshin;
«Partiia jarshysy» – partiia týraly úzdik material;
«Blogosfera úzdigi» – áleýmettik jelidegi úzdik jariialanym;
«YouTube úzdigi» – úzdik YouTube arnasy;
«Táýelsizdik taǵylymy» – Táýelsizdiktiń 30 jyldyǵyn jariialaǵan úshin.
Jeńimpazdar Buqaralyq aqparat quraldary qyzmetkerleriniń kúni qarsańynda marapattalady. Baiqaý jeńimpazdaryna aqshalai júlde men baǵaly syilyqtar tabystalady.
