Búgin ál-Farabi atyndaǵy Qazaq ulttyq ýniversiteti jýrnalistika fakýletiniń T.Qojakeev aýditoriiasynda Qazaqstan Respýblikasy Táýelsizdiginiń 30 jyldyǵyna, respýblikalyq «Aqiqat» jýrnalynyń 100 jyldyǵyna arnalǵan jýrnalister arasynda VII Shahmat týrniri ótti, - dep habarlaidy «Ult aqparat».
Týrnir shveitsar júiesi boiynsha uiymdastyrylyp, jeti týrdan turdy. Úsh saǵatqa sozylǵan saiys qorytyndysy boiynsha Bas júldege Almaty oblysy Qaratal aýdandyq gazetiniń tilshisi Ashat Ómirbaev qol jetkizdi.
I orynǵa – «Tengri» tilshisi Tilek Abdrahimov, II orynǵa – Hangeldi Ábjanov, III orynǵa – Daniiar Seisenbaev («Jetisý» telearnasy) laiyq dep tanyldy. Bas júlde iegerine týrnirdiń Kýbogi, júldegerlerge merekelik medaldar tartý etildi.
Ál-Farabi atyndaǵy QazUÝ atynan arnaiy syilyqqa týrnir qatysýshysy Dáýren Muqanov ie boldy. Atalǵan syilyqty jýrnalistika fakýltetiniń dekany Sansyzbai Mádiev tapsyrdy. Jýrnalist Arman Áýbákir («Adyrna» portalynyń bas redaktory) «Amanhan Álimuly atyndaǵy» arnaiy júldege ie boldy. Aian Nysanalin, Zeinel Jekeiuly «Ardager oiynshy» atalymy boiynsha marapattaldy. «Jeńiske degen jigeri úshin» atalymy Dáýren Dariiabekke (Aqparat komiteti basqarmasynyń bas sarapshysy), «Kórermen kózaiymy» Gúlvira Biǵalievaǵa («Tengriniýs» saity), «Yntalandyrý syilyǵy» Nabira Almanovaǵa («Avtoradio» jýrnalisi) tabys etildi. Barsha jeńimpazdarǵa aqshalai syi-syiapattar jasaldy.
Mamadiiar Jaqypqa, Jumat Ánesulyna, Nurbolat Abaiulyna, Baýyrjan Imanalige, Aldanazar Jailyulyna, Amangeldi Shopanǵa, Qutmaǵambet Qonysbai jáne t.b.qatysýshylarǵa shahmat týrniriniń «Alǵys hattary» tabys etildi. Týrnirdiń jabylý saltanatyn Qurmanǵazy atyndaǵy Qazaq ulttyq konservatoriiasynyń 4 kýrs stýdenti Sáýletbai Baqtybai ádemi ándermen órnektei tústi.
Týrnir sońynda «Sýper oiyn Nurlan Qumarmen» atalymy boiynsha Bas júlde iegeri Ashat Ómirbaev bilikti shahmatshy, jýrnalist Nurlan Qumarmen baq synasyp kórdi. Nátijesinde Nurlan Qumar jeńiske jetti.
Atalǵan týrnirge Almaty qalasy ákimdigi Cport basqarmasy qoldaý kórsetti. Týrnirdiń bas tóreshi qyzmetin Ulttyq arbitr, aǵa jattyqtyrýshy Asylhan Qaraev atqardy.
Týrnirdiń ashylý saltanatynda Qurmanǵazy atyndaǵy Qazaq ulttyq orkestriniń dombyrashylary Azamat Shynarov pen Tólebi Nurǵali rýhty kúiden shashý shashty.
Is-shara barysynda QazUÝ Rektorynyń keńesshisi, jazýshy-aýdarmashy Málik Otarbaev, jýrnalistika fakýltetiniń dekany Sansyzbai Mádiev, «Aqiqat» jýrnalynyń Bas redaktory Dáýirjan Tólebaev izgi tilekterin jetkizdi. «Ana tili» gazetiniń Bas redaktory Qali Sársenbai júrekjardy lebizin bildirip, ardager oiynshylar – Mamadiiar Jaqypqa, Aian Nysanalinge, Jumat Ánesulyna, Zeinel Jekeiulyna qurmet kórsetip, «Ana tili» gazetine 2022 jylǵa tegin jazylǵany týraly túbirtekti tabys etti.
