Foto: facebook.com/vadim.boreiko
YouTube-tegi "Giperborei" arnasynyń avtory, almatylyq jýrnalist Vadim Boreiko áleýmettik jelidegi paraqshasynda 20 aqpanǵa qaraǵan túni operatorynyń eki avtokóligi jarylǵanyn jazdy, dep habarlaidy Azattyq.
"20 aqpanǵa qaraǵan túni meniń operatorymnyń eki máshinesin úiiniń janynda jaryp ketken" dep jazdy Boreiko.
Almaty politsiia departamentiniń baspasóz qyzmeti bul oqiǵa boiynsha qylmystyq is qozǵalǵanyn habarlady.
Keiingi jarty jylda Qazaqstanda jýrnalister men aqparat redaktsiialaryna túrli qoqan-loqy men shabýyl jiilei túskeni baiqalǵan.
14 qańtarda jýrnalist Dinara Egeýbaeva belgisiz adamdar máshinesiniń terezesin kirpishpen syndyryp, ishine ot qoiyp ketkenin habarlaǵan. Órtenip jatqan kóligin áleýmettik jelige shyǵarǵan Egeýbaeva muny "óz ómirine jasalǵan qastandyq" dep ataǵan. Almaty politsiiasy eki kúnnen keiin bes bozbalany Dinara Egeýbaevanyń kóligin órtedi degen kúdikpen ustaǵan. Olar Elmedia redaktsiiasynyń esigin qiratty" degen de kúdikke ilingen. Ustalǵandar 15, 16 jáne 17 jasta.
