Foto: Facebook/mikhail.kozachkov
Almatynyń tergeý soty jýrnalist Mihail Kozachkovty eki ai qamaýda ustaý týraly sheshim shyǵardy, dep habarlaidy sottyń baspasóz qyzmeti.
"Búgin Almaty qalasynyń tergeý soty tergeý organdarynyń M.Kozachkovqa qatysty bultartpaý sharasyn sanktsiialaý týraly ótinishhatyn qarady. Tergeý sotynyń sheshimimen M. Kozachkovty eki ai merzimge, iaǵni 2023 jyldyń 18 aqpanyna deiin qamaýǵa alý týraly sheshim qabyldandy. Qaýly zańdy kúshine engen joq. Qylmystyq is júrgizý kodeksiniń 201-babyna sáikes sotaldy tergep-tekserýge qatysty ózge de málimetter tergeý qupiiasy bolǵandyqtan jariia etilmeidi", - delingen Almaty sotynyń habarlamasynda.
Esterińizge sala keteiik, 18 jeltoqsanda Qarjylyq monitoring agenttigi jýrnalist Mihail Kozachkovty ustady. Ol Kospaevtyń uiymdasqan qylmystyq tobyna reiderlik basyp alýlar jasaýǵa kómektesken dep kúdikke ilindi.
Bul iske qatysty Toqaevtyń baspasóz hatshysy da pikir bildirgen edi. Rýslan Jeldibai bul is Qazaqstan Respýblikasynyń zańnamasyna sáikes tek quqyq sheńberinde qaralýǵa tiis ekenin atap ótti.
