Foto:polisia.kz
Aqmola oblysynyń politsiiasy júrip bara jatqan kólik terezesinen denesin shyǵarǵan jolaýshyny anyqtady. Júrgizýshi jaýapqa tartyldy, – dep habarlaidy "Ult Aqparat" Polisia.kz-ke silteme jasap.
Buzýshylyq týraly beine jazba Instagram áleýmettik jelisiniń paraqshasynda jariialandy jáne Aqmola politseileriniń nazaryn aýdardy.
Kadrlarda jolaýshynyń kólik qozǵalysy kezinde terezeden denesin shyǵaryp turǵany kórinedi. Ol óz ómirine qaýip tóndirdi jáne mańaiyndaǵylarǵa tótenshe jaǵdai týdyrýy múmkin edi.
Tekserý barysynda politseiler avtokóliktiń nómiri boiynsha iesin tapty. Oqiǵa birneshe kún buryn Býrabai kýrorttyq aimaǵynyń aýmaǵynda bolǵany anyqtady.
Kólik júrgizýshisi Túrkistan oblysynyń 29 jastaǵy turǵyny bolyp shyqty. Oǵan qatysty politsiia qyzmetkerleri QR ÁQBtK-niń 593-baby 1-bóligi (Jol júrisi qaǵidalarynda kózdelgen jolaýshylar men júkterdi tasymaldaý, qaýipsizdik beldikterin nemese motoshlemderdi paidalaný jónindegi talaptardy saqtamaý) boiynsha ákimshilik hattama jasady.
Politseiler jol qozǵalysynyń barlyq qatysýshylarynan jol qozǵalysy erejelerin múltiksiz saqtaýdy jáne óziniń jáne jol qozǵalysynyń basqa da qatysýshylarynyń ómiri men densaýlyǵyna qaýip tóndirmeýin suraidy.
