فوتو:polisia.kz
اقمولا وبلىسىنىڭ پوليتسيياسى جٷرٸپ بارا جاتقان كٶلٸك تەرەزەسٸنەن دەنەسٸن شىعارعان جولاۋشىنى انىقتادى. جٷرگٸزۋشٸ جاۋاپقا تارتىلدى, – دەپ حابارلايدى "ۇلت اقپارات" Polisia.kz-كە سٸلتەمە جاساپ.
بۇزۋشىلىق تۋرالى بەينە جازبا Instagram ەلەۋمەتتٸك جەلٸسٸنٸڭ پاراقشاسىندا جارييالاندى جەنە اقمولا پوليتسەيلەرٸنٸڭ نازارىن اۋداردى.
كادرلاردا جولاۋشىنىڭ كٶلٸك قوزعالىسى كەزٸندە تەرەزەدەن دەنەسٸن شىعارىپ تۇرعانى كٶرٸنەدٸ. ول ٶز ٶمٸرٸنە قاۋٸپ تٶندٸردٸ جەنە ماڭايىنداعىلارعا تٶتەنشە جاعداي تۋدىرۋى مٷمكٸن ەدٸ.
تەكسەرۋ بارىسىندا پوليتسەيلەر اۆتوكٶلٸكتٸڭ نٶمٸرٸ بويىنشا يەسٸن تاپتى. وقيعا بٸرنەشە كٷن بۇرىن بۋراباي كۋرورتتىق ايماعىنىڭ اۋماعىندا بولعانى انىقتادى.
كٶلٸك جٷرگٸزۋشٸسٸ تٷركٸستان وبلىسىنىڭ 29 جاستاعى تۇرعىنى بولىپ شىقتى. وعان قاتىستى پوليتسييا قىزمەتكەرلەرٸ قر ەقبتك-نٸڭ 593-بابى 1-بٶلٸگٸ (جول جٷرٸسٸ قاعيدالارىندا كٶزدەلگەن جولاۋشىلار مەن جٷكتەردٸ تاسىمالداۋ, قاۋٸپسٸزدٸك بەلدٸكتەرٸن نەمەسە موتوشلەمدەردٸ پايدالانۋ جٶنٸندەگٸ تالاپتاردى ساقتاماۋ) بويىنشا ەكٸمشٸلٸك حاتتاما جاسادى.
پوليتسەيلەر جول قوزعالىسىنىڭ بارلىق قاتىسۋشىلارىنان جول قوزعالىسى ەرەجەلەرٸن مٷلتٸكسٸز ساقتاۋدى جەنە ٶزٸنٸڭ جەنە جول قوزعالىسىنىڭ باسقا دا قاتىسۋشىلارىنىڭ ٶمٸرٸ مەن دەنساۋلىعىنا قاۋٸپ تٶندٸرمەۋٸن سۇرايدى.
