Júrgizýshi Nur-Sultandaǵy Resei elshiliginiń shlagbaýmyna soǵyldy. Resei elshiliginiń mańynda bolǵan oqiǵa saldarynan eshkim zardap shekken joq, - dep habarlaidy "Ult aqparat" elordalyq PD baspasóz qyzmetine silteme jasap.
Jol-kólik oqiǵasy 14 jeltoqsanda bolǵan. Politsiia málimetinshe, "Lada Largýs" kóliginiń 22 jastaǵy júrgizýshisi Táshenov kóshesinen Baraev kóshesine qarai bara jatyp, jol muz kezinde rýldi basqara almai, kólik ońǵa qarai syrǵyp ketken. Jol apaty saldarynan kólik Resei elshiliginiń shlagbaýmyn soǵyp, maiystyrǵan.
"Júrgizýshige qatysty QR ÁQBtK-niń 610-baby, 1-bólimi boiynsha ákimshilik is qozǵaldy. Material Nur-Sultannyń mamandandyrylǵan aýdanaralyq ákimshilik sotyna jiberildi", - delingen habarlamada.
