Atyraýda 54 jastaǵy er adam jumysyna shyǵyp ketip, qaita oralmaǵan, dep habarlaidy "Ult aqparat".
Oblystyq Tótenshe jaǵdailar departamenti baspasóz qyzmetiniń aqparatyna qaraǵanda, «WDC» JShS-de kúzetshi bolyp jumys istegen T. Orazaliev 6 naýryzda úiinen shyǵyp ketip, qaita oralmaǵan.
«Departamenttiń dispetcherlik pýltine 10 naýryzda Atyraý qalasynyń turǵynynan 1967 jyly týǵan T.Orazalievtiń 6 naýryzda saǵat 19.00-de úiden jumysqa shyǵyp, osy ýaqytqa deiin qaita oralmaǵany týraly habar tústi. Joǵalǵan azamatty izdestirýge 10 naýryzda jedel qutqarý jasaǵynyń 7 qyzmetkeri, 4 kinologiialyq esep pen 4 tehnika jumyldyryldy. Sondai-aq, eriktilermen (4 adam men 2 tehnika) birlesip Birlik, Aqsai, Juldyz-3 eldi mekenderinde izdestirý bastaldy», - dep habarlady departamenttiń baspasóz qyzmetinen.
Izdestirý jumystary búgin, 11 naýryzda saǵat 08:00-de qaita bastalyp, oǵan jedel qutqarý jasaǵynyń 10 qyzmetkeri, 3 tehnikasy (onyń ishinde 2 kinologiialyq esep) men joǵalyp ketken azamattyń 10 týysy tartylǵan.
