اتىراۋدا 54 جاستاعى ەر ادام جۇمىسىنا شىعىپ كەتٸپ, قايتا ورالماعان, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, «WDC» جشس-دە كٷزەتشٸ بولىپ جۇمىس ٸستەگەن ت. ورازاليەۆ 6 ناۋرىزدا ٷيٸنەن شىعىپ كەتٸپ, قايتا ورالماعان.
«دەپارتامەنتتٸڭ ديسپەتچەرلٸك پۋلتٸنە 10 ناۋرىزدا اتىراۋ قالاسىنىڭ تۇرعىنىنان 1967 جىلى تۋعان ت.ورازاليەۆتٸڭ 6 ناۋرىزدا ساعات 19.00-دە ٷيدەن جۇمىسقا شىعىپ, وسى ۋاقىتقا دەيٸن قايتا ورالماعانى تۋرالى حابار تٷستٸ. جوعالعان ازاماتتى ٸزدەستٸرۋگە 10 ناۋرىزدا جەدەل قۇتقارۋ جاساعىنىڭ 7 قىزمەتكەرٸ, 4 كينولوگييالىق ەسەپ پەن 4 تەحنيكا جۇمىلدىرىلدى. سونداي-اق, ەرٸكتٸلەرمەن (4 ادام مەن 2 تەحنيكا) بٸرلەسٸپ بٸرلٸك, اقساي, جۇلدىز-3 ەلدٸ مەكەندەرٸندە ٸزدەستٸرۋ باستالدى», - دەپ حابارلادى دەپارتامەنتتٸڭ باسپاسٶز قىزمەتٸنەن.
ٸزدەستٸرۋ جۇمىستارى بٷگٸن, 11 ناۋرىزدا ساعات 08:00-دە قايتا باستالىپ, وعان جەدەل قۇتقارۋ جاساعىنىڭ 10 قىزمەتكەرٸ, 3 تەحنيكاسى (ونىڭ ٸشٸندە 2 كينولوگييالىق ەسەپ) مەن جوعالىپ كەتكەن ازاماتتىڭ 10 تۋىسى تارتىلعان.
