Memleket basshysy Nursultan Nazarbaev qazaqstandyqtar úshin qoljetimdi baspana týraly aitty, - dep habarlaidy Tengrinews.kz tilshisi.
Astanada Beibitshilik pen kelisim saraiynda Qazaqstan halqy Assambleiasynyń XXVI sessiiasy ótip jatyr. Nursultan Nazarbaev sóz sóileý barysynda osyǵan deiin aitylǵan "Bes áleýmettik bastama" jobasyna toqtaldy. Onyń biri - qoljetimdi baspana.
"Birinshi bastama turǵyn úii joq adamdarǵa baspana alýyna múmkindik beredi. Turǵyn úi ipotekasy máselesin sheshedi. Turǵyn úidiń mańyzdylyǵyn jaqsy bilemiz. Sol sebepti men osyny birinshi orynǵa qoidym. Jańa shartpen jumysy bar ár adam baspanaly bolatyny mańyzdy. Barlyǵyn eseptedik. Eki bólmeli páter, 50-60 sharshy metr alyp, ipoteka arqyly tóleý - otbasyndaǵy ekeýi de jumys isteitin bolsa qiyn bolmaidy, sebebi ol 25 jylǵa sozylǵan ári arzan bolady. Birinshi tólem 20 paiyzdan aspaidy. Bul degenimiz bizdiń milliondaǵan azamattarymyz. Ásirese jas otbasylar, jastar, olar jumys bastaǵan ýaqytta osy jobamen baspana alady", - dedi Nursultan Nazarbaev.
