Jyl basynan beri 50 myńǵa jýyq adam qashyqtyqtan jumyssyz mártebesin aldy, dep habarlaidy "Ult aqparat" Eńbek ministrligine silteme jasap.
2021 jyldyń basynan bastap Elektrondyq eńbek birjasy Enbek.kz portaly arqyly onlain formatta halyqty jumyspen qamtý ortalyqtarynyń qyzmetterin alý múmkindigin 56 myńnan astam adam paidalandy. 50 myń azamat jumyssyz retinde tirkeldi. Osy qyzmetti jaqynda paidalanǵan 6 myń adam qazir jumys izdep júrgen adamdar mártebesine ie.
«Jumyssyz mártebesin alǵan 50 myń adamnyń 7 myńyna jumysynan aiyrylý jaǵdaiyna bailanysty Memlekettik áleýmettik saqtandyrý qorynan áleýmettik tólemder taǵaiyndaldy jáne 20 myńnan astam adam turaqty, sondai-aq memleket sýbsidiialaityn jumys oryndaryna (jastar praktikasy, qoǵamdyq jumystar, áleýmettik jumys oryndary) jumysqa ornalastyryldy», delingen ministrlik habarlamasynda.
2020 jylǵy 17 qarashada Elektrondyq eńbek birjasy arqyly HJQO qyzmetterin qashyqtyqtan kórsetý boiynsha pilottyq jobasy iske qosyldy. Osy jyldyń 5 qańtarynan bastap bul múmkindikter respýblikanyń 40 qalasynyń turǵyndaryna, al mamyrdan bastap barlyq qazaqstandyqtarǵa qoljetimdi.
EEB-tegi «Jeke kabinette» qazaqstandyqtar jumys izdep júrgen adam nemese jumyssyz retinde esepke tura alady jáne tirkeýdiń barlyq kezeńderin qadaǵalai alady. Jumyssyz mártebesin alǵannan keiin áleýmettik saqtandyrý júiesine qatysýshylar jumysynan aiyrylý boiynsha áleýmettik tólemge onlain rejimde ótinim jibere alady, barlyq azamattar memleket sýbsidiialaityn jumys oryndaryna – jastar praktikasyna, áleýmettik jumys oryndaryna, qoǵamdyq jumystarǵa bos jumys oryndaryn óz betinshe tańdai alady. Joǵaryda kórsetilgen qyzmetterdi onlain rejimde alý úshin elektrondyq tsifrlyq qoltańbany paidalana otyryp, EEB-da tirkeýden ótý qajet.
Internet nemese kompiýter bolmaǵan jaǵdaida, barlyq jumyspen qamtý ortalyqtarynda qurylǵan ózine-ózi qyzmet kórsetý aimaqtarynda EEB arqyly qyzmetterdi alýǵa bolady. HJQO qyzmetkerleri onlain usynylatyn qyzmetter boiynsha qajetti konsýltatsiialar beredi. Bul azamattarǵa Jumyspen qamtý ortalyǵynyń mamanyna qabyldaýǵa kezek kútpeýge jáne COVID-19 pandemiiasy jaǵdaiynda fizikalyq bailanystardy azaitýǵa múmkindik beredi.
Onlain qyzmet kórsetý týraly tolyq aqparatty www.enbek.kz saitynan jáne halyqty jumyspen qamtý ortalyǵynda alýǵa bolady.
Azamattar Elektrondyq eńbek birjasynda tómendegi silteme boiynsha jumys izdep júrgen adam retinde onlain tirkele alady.
