Eńbek jáne halyqty áleýmettik qorǵaý ministriniń Atyraý oblysyna jumys sapary aiasyndaǵy «Teńizshevroil» JShS bazasynda ótken keńes barysynda Tamara Dúisenova jergilikti atqarýshy bilik organdaryn jumyskerlerdiń eńbek quqyqtaryn qorǵaý jáne óńirde eńbek janjaldaryn boldyrmaý máselelerine erekshe nazar aýdarýǵa shaqyrdy, dep habarlaidy "Ult aqparat" vedomstvonyń baspasóz qyzmetine silteme jasap.
"Ministr búgingi tańda Atyraý oblysynda 9,5 myńnan astam kásiporyn men uiym jumys isteitinin, olarda 278 myń jaldamaly qyzmetker eńbek etetinin atap ótti. Óńir kompaniialarymen 242 myń jumyskerdi qamti otyryp, jumys oryndaryn saqtaý boiynsha 3,7 myń memorandým jasaldy. Iri jáne orta kásiporyndardyń 97,8%-y óz qyzmetkerlerimen ujymdyq sharttar jasasty. Oblystyń 109 kásiporny 108 myń jalaqysy tómen qyzmetkerlerdiń jalaqysyn 5-ten 50%-ǵa deiin kóterdi" - delingen aqparatta.
Bul rette óńirde eńbek janjaldarynyń týyndaý qaýpi bar kásiporyndar da bar.
«Jergilikti atqarýshy organdar eńbek janjaldarynyń aldyn alý jáne olarǵa jol bermeý boiynsha turaqty negizde jumys júrgizýi qajet. Jumys berýshilerdiń ujymdyq sharttar men memorandýmdar boiynsha jumys oryndaryn saqtaý boiynsha alǵan mindettemelerin oryndaýyna turaqty monitoring júrgizý mańyzdy. Jumysshylardyń eńbek jaǵdailary men jalaqy deńgeiine qanaǵattanýshylyǵyna únemi saýalnama júrgizý qajet», – dedi Tamara Dúisenova.
Sondai-aq, EHÁQM basshysy oblystaǵy 9 kásiporynda jalpy somasy 34 mln teńgeni quraityn eńbekaqy boiynsha bereshek bar ekenin atap ótti.
«Ákimdik aýmaqtyq prokýratýra, qarjy jáne ádilet organdarymen birlesip, jalaqy jáne áleýmettik aýdarymdar boiynsha bereshekti óteý boiynsha egjei-tegjeili jospar-keste ázirleýi qajet. Jalaqy jáne jumyskerlerdi jumystan bosatý boiynsha yqtimal bereshekti anyqtaý boiynsha jumysty áleýmettik aýdarymdardy tóleýdi tómendeýine monitoring júrgizý arqyly júrgizgen jón», – dep usyndy Tamara Dúisenova.
Ministr sondai-aq sheteldik jumys kúshin tartatyn jumys berýshilerdi tekserý barysynda anyqtalǵan buzýshylyqtardy atap ótti. Tamara Dúisenova buzýshylyqtarǵa jol bergen jumys berýshilerge pármendi sharalar qabyldai otyryp, oblys ákimi basqaratyn óńirlik úshjaqty komissiiada tekserý nátijelerin qaraýdy usyndy.
Sonymen qatar, EHÁQM basshysy biyl óńirde óndiriste 21 qyzmetker zardap shekkenin, onyń 3-eýi qaza tapqanyn atap ótti.
«Oblys ákimdigi eń kóp jazataiym oqiǵalarǵa jol bergen árbir jumys berýshimen qaýipsiz eńbek jaǵdailaryn qamtamasyz etý jónindegi is-sharalar josparyn ázirlep, olardyń oryndalýyn mindetti túrde baqylai otyryp bekitýi qajet. Memlekettik eńbek inspektorlary óndiristik jaraqattanýdy azaitý maqsatynda kásiporyndarǵa barý arqyly profilaktikalyq baqylaý jumystaryn kúsheitýi qajet», – dep túiindedi Tamara Dúisenova.
