Jumyspen qamtýdyń jol kartasy aiasynda qazirdiń ózinde 148 myńnan astam jumys orny quryldy, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń málimetinshe, Jumyspen qamtýdyń 2020-2021 jyldarǵa arnalǵan jol kartasy aiasynda 6 295 jobany iske asyrý bastalyp, 148 myń jumys orny quryldy.
JQJK aiasynda jergilikti atqarýshy organdar iske asyrý úshin 6 696 jobany iriktep aldy.
JQJK infraqurylymdyq jobalaryn iske asyrý 4 negizgi baǵyt boiynsha ótedi:
– áleýmettik-mádeni nysandardy kúrdeli jáne aǵymdaǵy jóndeý, rekonstrýktsiialaý jáne salý;
– turǵyn úi-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýktsiialaý;
– injenerlik-kólik infraqurylymyn kúrdeli, ortasha jáne aǵymdaǵy jóndeý, rekonstrýktsiialaý jáne salý;
– eldi mekenderdi abattandyrý.
JQJK infraqurylymdyq jobalaryn iske asyrý kezinde otandyq óndirýshilerdiń keminde 90% taýarlary men qyzmetterin qoldanýdy qamtamasyz etý erekshe shart bolyp tabylady. Jumysshylardyń kem degende jartysy halyqty jumyspen qamtý ortalyqtary arqyly alynyp, basymdyq jumyssyz júrgen jastarǵa beriletin bolady. Merdigerler sanitarlyq-epidemiologiialyq sharalardy qoldana otyryp, qaýipsiz eńbek jaǵdaiyn qamtamasyz etýge tiis.
15 shildedegi jaǵdai boiynsha óńirlerde 6 295 joba boiynsha jumys bastaldy, 148 myńnan astam jumys orny quryldy, onyń ishinde halyqty jumyspen qamtý ortalyqtary arqyly 77 myń adam jumysqa ornalasty.
JQJK aiasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.
Esterińizge sala keteiik, 14 mamyrda QR Prezidentiniń tapsyrmasyna sáikes Jol kartasyna kelesi ózgerister engizildi:
– jergilikti atqarýshy organdar infraqurylymdyq jobalardy iske asyrý sheńberinde aqparattyq-túsindirý jumystaryn júrgizý, jumyskerlerdi meditsinalyq tekserý, jinaý jáne jumys ornyna deiin tasymaldaý úshin mobildi rekrýttik pýnktter uiymdastyrýdy qamtamasyz etýge tiis;
- infraqurylymdyq jobalardy iske asyrýǵa qatysý úshin halyqty jumyspen qamtý ortalyqtary jibergen, basqa eldi mekenderden kelgen jumyssyzdarǵa tiisti qarjy jylyna arnalǵan respýblikalyq biýdjet týraly Zańmen belgilengen eki eń tómengi jalaqy mólsherinde birjolǵy materialdyq kómek berilýge tiis.
Budan basqa, ortalyq jáne jergilikti atqarýshy organdardyń, sondai-aq JQJK iske asyrýǵa jaýapty uiymdardyń qyzmetin úilestirý úshin halyqty jumyspen qamtý máseleleri jónindegi vedomstvoaralyq komissiia quryldy.
VAK otyrystarynyń sheńberinde óńirler jáne respýblikalyq biýdjettik baǵdarlamalar ákimshileri bólinisinde qarjylandyrý limitterin aiqyndaý boiynsha usynystar ázirlendi, JQJK sheńberinde infraqurylymdyq jobalardyń tizbesi qaraldy jáne bekitildi.
