Ekibastuz qalasynda júrgen QR Premer-Ministriniń birinshi orynbasary Roman Skliar telefon arqyly Úkimet basshysy Álihan Smaiylovqa qalalyq jylý jelilerindegi apattyń zardaptaryn joiý barysy týraly baiandady, dep habarlaidy "Ult aqparat" primeminister.kz saityna silteme jasap.
Vitse-Premer 4 jeltoqsandaǵy tańerteńgi jaǵdai boiynsha 5A, 5B jáne 6 shaǵyn aýdandarda 11 turǵyn úige jylý berý boiynsha jumys jalǵasyp jatqanyn málimdedi. Daiyndyq deńgeii joǵary, sondyqtan keshke deiin olardyń jelileri (jertóleler) jylýǵa qosylady dep kútilýde. Sonymen qatar bul úilerde jylý radiatorlary men jetkizý jelileri aýystyrylyp jatyr. Keshke páterlerde jylý berile bastaidy.
Sonymen qatar Premer-Ministrdiń birinshi orynbasary jylý berilgen úilerdiń ishki injenerlik kommýnikatsiialary – káriz qubyrlaryn, sýmen jabdyqtaý júielerin jáne t. b. aýystyrý qajet ekenin jáne bul jumystyń Úkimettiń baqylaýynda ekenin aitty.
«Jylý tolyǵymen berilmeiinshe, jóndeý jumystaryna tartylǵan birde-bir uiym bul úilerden ketpeidi. Qazirgi ýaqytta barlyǵy 484 adam jumyldyrylǵan. Biz óz jumysymyzdyń formatyn tolyǵymen ózgerttik, ol táýlik boiy júrgiziledi», — dedi Roman Skliar.
Premer-Ministr barlyq jumystardy tezirek aiaqtap, turǵyndardy jylýmen qamtamasyz etý qajettigin atap ótti.
«Jumysty jalǵastyryńyz. Qalǵan úilerdiń barlyǵyna jylýdy tezirek qosý kerek, adamdar bir apta boiy jylýsyz otyr. Eshkim memlekettiń kómegi men nazarynsyz qalmaidy», — dedi Álihan Smaiylov.
