QR Oqý-aǵartý ministri Ashat Aimaǵambetov ministrlik bólingennen keiingi jumys týraly aityp berdi, dep habarlaidy QazAqparat.
«Jumys azaiǵan joq, 1 mln-ǵa jýyq bala 10 myńǵa jýyq balabaqshada tálim-tárbie alyp, oqyp jatyr. Sondai-aq 800-ge jýyq kolledj jáne qosymsha bilim beretin uiymdar bar. Oǵan qosa balalardyń quqyǵyn qorǵaý máselesin umytpaiyq. 1 jastan 18 jasqa deiingi balalardyń jaýapkershiligi bizdiń moinymyzda. Sondyqtan jaýapkershilik te, jumys ta azaiǵan joq», - dedi ministr Úkimet otyrysynan keiin tilshilerge bergen suhbatynda.
Sonymen birge, jýrnalister «ministrlik bólingen soń, jalaqy mólsheri ózgerdi me?» degen suraq qoidy.
«Jalaqyǵa qatysty Úkimettiń bekitken mólsheri bar. Bul barlyq ministrlik pen biýdjetten qarjylandyrylatyn uiymdarǵa qatysty, bárine birdei. Jalaqym Úkimet bekitken mólsherde. Ony qaita-qaita aitýdyń qajeti shamaly. Jalaqymdy 3-4 ret aitqanmyn. Eshqandai ózgeris joq. Bul - memlekettiń bekitken mólsheri», - dep jaýap berdi Ashat Aimaǵambetov.
