Zeinetkerler men áleýmettik járdemaqy alatyndar 42 500 teńge áleýmettik tólem ala ma? Bul saýalǵa búgin Ortalyq kommýnikatsiialar qyzmetindegi onlain-brifingte QR Eńbek jáne halyqty áleýmettik qorǵaý ministri Birjan Nurymbetov jaýap berdi, dep habarlaidy QazAqparat.
«Sizderge memleket tarapynan, biýdjettiń esebinen ai saiyn zeinetaqy men memlekettik járdemaqy tólenip turady. Olar tótenshe jaǵdaiǵa bailanysty toqtaǵan joq. Qaita olardyń mólsheri artyp jatyr, indeksatsiia jasaldy. Ony mamyr aiynda sáýirde qosylǵanymen birge alasyzdar. Sondyqtan sizderden keshirim suraimyz, bul tólem (42500 teńge - avtor) sizderge berilmeidi», - dedi ministr.
Degenmen, onyń aitýynsha, zeinetker nemese memlekettik járdemaqy alyp júrgen kópbalaly analar, múgedek jandar tótenshe jaǵdaiǵa deiin resmi túrde jumys istegen bolsa, onda bul eskeriledi.
«Iá, sizder zeinetaqy men járdemaqynyń mólsheri kóp bolmaǵandyqtan qosymsha tabys tabamyz dep jumys istegensizder. Sizderge - bolady. Sizder ótinishterińizdi beresizder. Qosymsha eshteńe tólemeńizder. Tótenshe jaǵdaiǵa deiin tólegen bolsańyzdar, biz ony kóremiz. Jasyńyzǵa qaramai, járdemaqy alǵanyńyzǵa jáne basqalaryna qaramai áleýmettik tólem beremiz», - dedi Birjan Nurymbetov.
