Qazaqstan Jazýshylar odaǵynda Atyraý oblysy ákimdigimen Jazýshylar odaǵynyń birlesip taǵaiyndaǵan Jumeken Nájimedenov atyndaǵy poeziia jáne Ǵabdol Slanov atyndaǵy proza syilyqtary bir top qalamgerge tabystaldy.
Qazaqstan Jazýshylar odaǵynyń usynysymen Atyraý oblysy ákimdiginiń qoldaýymen júzege asqan bul igi sharaǵa Qazaqstan Jazýshylar odaǵy basqarmasynyń Tóraǵasy Ulyqbek Esdáýlet pen Atyraý oblysynan arnaiy kelgen delegatsiia jáne Aiken Jumekenqyzy bastaǵan J. Nájimedenovtiń urpaqtary qatysty.
Tóraǵa Ulyqbek Orazbaiulynyń alǵy sózinen keiin bir top qalamgerge syilyqtar tabys etilse, elimizdiń batys óńirinen arnaiy kelgen Atyraý oblysynyń «Ǵylymi-ádistemelik halyq shyǵarmashylyǵy men mádeni demalys qyzmetterin uiymdastyrý» ortalyǵynyń basshysy Baqytbek Myrzaǵaliuly Sartbaev aqjarma tilegin arnap, oblys ákiminiń quttyqtaý lebizin jetkizdi. Is-shara sońynda Aiken Jumekenqyzy qalamgerlerdi quttyqtap, uiymdastyrýshylarǵa alǵysyn bildirdi.
2019 jyldyń 4 maýsym kúni ótken Sekretariat májilisiniń sheshimine sáikes, alǵash ret respýblikalyq J.Nájimedenov jáne Ǵ.Slanov atyndaǵy ádebi syilyǵynyń iegerleri belgili bolǵan.
Atap aitsaq, poeziia nominatsiiasy boiynsha Jumeken atyndaǵy syilyqqa aqyndar Meiirhan Aqdáýletuly, Baýyrjan Jaqyp, Suraǵan Rahmetuly, Murat Shaimaran jáne Nurtas Turǵanbekuly ie boldy.
Proza nominatsiiasy boiynsha Ǵ.Slanov atyndaǵy syilyqtyń laýreattary – jazýshylar Tynymbai Nurmaǵanbetov, Nesipbek Dáýtaiuly, Moldahmet Qanaz, Nurlan Qami, Asqar Altai.
