Qazgidromet 30 shildege arnalǵan aýa raiy boljamyn jariialady, dep habarlaidy "Ult aqparat".
Atmosferalyq fronttardyń ótýine bailanysty Qazaqstan aýmaǵynyń basym bóliginde jańbyr, naizaǵai kútiledi, ońtústik-shyǵystyń kei jerlerinde burshaq jaýady. Tek elimizdiń batysynda antitsiklon sileminiń áserinen jaýyn-shashynsyz aýa raiy saqtalady.
Respýblika boiynsha kei jerlerde jeldiń kúsheiýi, ońtústik jáne ońtústik-shyǵysta shańdy daýyl kútiledi.
Kúndiz Soltústik Qazaqstan oblysynyń kei jerlerinde jel 15-20, ekpini 25 m/s kúsheiedi. Jambyl oblysynyń kei jerlerinde burshaq, shańdy daýyl kútiledi, jel 15-20 m/s jyldamdyqpen soǵady.
Almaty oblysynyń kei jerinde tańerteń jáne kúndiz burshaq, jeldiń 18-23 m/s kúsheiýi kútiledi. Qyzylorda oblysynyń kei jerlerinde jeldiń jyldamdyǵy 15-20 m/s jetedi, shańdy daýyl bolady.
Kúndiz Túrkistan oblysynyń kei jerlerde jel 15-20 m/s kúsheiedi, shańdy daýyl soǵady. Batys Qazaqstan, Qostanai, Shyǵys Qazaqstan, kúndiz Atyraý, Aqtóbe oblystarynyń kei jerlerinde jel 15-20 m/s kúsheiedi.
Túnde Pavlodar oblysynyń kei jerlerinde tuman kútiledi, jel 18 m/s kúsheiedi. Túnde jáne tańerteń Aqmola oblysynyń kei jerlerinde tuman kútiledi.
Kúndiz Atyraý, Aqtóbe, Batys Qazaqstan oblystarynyń kei jerlerinde qatty ystyq bolady.
Qyzylorda, Túrkistan, Mańǵystaý, Jambyl oblystarynyń basym bóliginde, Atyraý, Almaty, Aqtóbe, Qaraǵandy oblystarynyń kei jerlerinde, Qostanai oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda tótenshe órt qaýpi saqtalady.
