Mańǵystaýda júk vagonynda gaz ballony jarylysynan zardap shekkenderdiń jaǵdaiy belgili boldy, dep habarlaidy "Ult aqparat".
5 naýqas qazir Beineý aýdandyq ortalyq aýrýhanasyna jetkizilgen. Aýdandyq ortalyq aýrýhana bas dárigeriniń mindetin atqarýshy Ásiia Shontybaevanyń málimetinshe, qazir 2 naýqastyń jaǵdaiy asa aýyr halde.
«Asylbek Mahambetov - 1978 jyly týǵan. Qazposhta jolserigi. Naýqastyń jaǵdaiy asa aýyr. Denesiniń 80%-yn kúiik shalǵan. Beti men aiaq-qoly kúigen. Ekinshi naýqas Qairat Maqsatuly 2009 jyly týǵan. II dárejeli, denesiniń 60 paiyzyn kúiik shalǵan. Jaǵdaiy óte aýyr», - dedi ol.
Taǵy bir naýqastyń jaǵdaiy ortasha aýyr halde. Úsen Álibaev 1985 jyly týǵan. Qazposhta jolserigi. Denesiniń 29-30 paiyzyn kúiik shalǵan. Rysbek Ámirov 1982 jyly týǵan. Mańǵystaý oblysynyń turǵyny. Denesiniń 20-22% kúiik shalǵan. Maqsat Spambetov 1989 jyl týǵan. Denesiniń 40-45% kúiik shalǵan.
Eske sala ketsek, búgin tańǵa jaqyn Beineý aýdanynda júk vagonynyn órt shyǵyp, bes adamdy kúiik shalǵan bolatyn.
