Almaty qalasynyń bas sanitarlyq dárigeri Jandarbek Bekshin megapolistegi koronavirýs infektsiiasynyń shtamdary týraly málimet berdi, dep habarlaidy "Ult aqparat".
«Mýtatsiialanǵan bir shtamm paida boldy degen kúdik bar. Degenmen ony anyqtaý kerek. Bizdiń azamattar shetelge únemi saiahattaidy. Bul shtamm Eýropa, Resei Federatsiiasy, AQSh elderinde anyqtalǵan. Sondyqtan, sol memleketterde paida bolǵan jańa shtamm túrleri boiynsha zertteý jumystaryn júrgizemiz. Osyǵan bailanysty sanitarlyq-epidemiologiialyq talaptar kúsheitildi. Infektsiianyń odan ári taralmaýy úshin qatań sharalardy qoldanýǵa májbúrmiz», - dedi Jandarbek Bekshin Almatyda ótken onlain-brifing barysynda.
J.Bekshinniń aitýynsha, búginde koronavirýstyń úsh shtamy boiynsha klinikalyq belgiler anyqtalǵan.
«Densaýlyq saqtaý ministrligi Covid-19 jańa shtamdaryn anyqtaityn ekspress PTR-skriningtiń jańa ádisin qolǵa aldy. Iaǵni, zertteý «Britan», «Ońtústik Afrika», «Braziliia» shtamdaryna uqsas boljamdy mýtatsiiaǵa júrgizildi. Genomdyq sekvenirleý aiaqtalǵannan keiin mýtatsiianyń osy shtamdarǵa jatatyn, ne jatpaityny naqtylanady. Tekserý jumystary jalǵasýda», - dedi Jandarbek Bekshin.
Onyń aitýynsha, jańa shtamnyń juǵý qaýpi 70% joǵary.
