الماتى قالاسىنىڭ باس سانيتارلىق دەرٸگەرٸ جانداربەك بەكشين مەگاپوليستەگٸ كوروناۆيرۋس ينفەكتسيياسىنىڭ شتامدارى تۋرالى مەلٸمەت بەردٸ, دەپ حابارلايدى "ۇلت اقپارات".
«مۋتاتسييالانعان بٸر شتامم پايدا بولدى دەگەن كٷدٸك بار. دەگەنمەن ونى انىقتاۋ كەرەك. بٸزدٸڭ ازاماتتار شەتەلگە ٷنەمٸ ساياحاتتايدى. بۇل شتامم ەۋروپا, رەسەي فەدەراتسيياسى, اقش ەلدەرٸندە انىقتالعان. سوندىقتان, سول مەملەكەتتەردە پايدا بولعان جاڭا شتامم تٷرلەرٸ بويىنشا زەرتتەۋ جۇمىستارىن جٷرگٸزەمٸز. وسىعان بايلانىستى سانيتارلىق-ەپيدەميولوگييالىق تالاپتار كٷشەيتٸلدٸ. ينفەكتسييانىڭ ودان ەرٸ تارالماۋى ٷشٸن قاتاڭ شارالاردى قولدانۋعا مەجبٷرمٸز», - دەدٸ جانداربەك بەكشين الماتىدا ٶتكەن ونلاين-بريفينگ بارىسىندا.
ج.بەكشيننٸڭ ايتۋىنشا, بٷگٸندە كوروناۆيرۋستىڭ ٷش شتامى بويىنشا كلينيكالىق بەلگٸلەر انىقتالعان.
«دەنساۋلىق ساقتاۋ مينيسترلٸگٸ Covid-19 جاڭا شتامدارىن انىقتايتىن ەكسپرەسس پتر-سكرينينگتٸڭ جاڭا ەدٸسٸن قولعا الدى. ياعني, زەرتتەۋ «بريتان», «وڭتٷستٸك افريكا», «برازيلييا» شتامدارىنا ۇقساس بولجامدى مۋتاتسيياعا جٷرگٸزٸلدٸ. گەنومدىق سەكۆەنيرلەۋ اياقتالعاننان كەيٸن مۋتاتسييانىڭ وسى شتامدارعا جاتاتىن, نە جاتپايتىنى ناقتىلانادى. تەكسەرۋ جۇمىستارى جالعاسۋدا», - دەدٸ جانداربەك بەكشين.
ونىڭ ايتۋىنشا, جاڭا شتامنىڭ جۇعۋ قاۋپٸ 70% جوعارى.
