OKQ ótken jiynda JSN arqyly bóten adamnyń sizdiń atyńyzdan uialy nómirdi paidalaný qaýipteri týraly aityldy, dep habarlaidy QazAqparat.
«Mundai jaǵdaida nemese siz bóten sim-kartany ustap júrgen jaǵdaida naqty qandai qaýip baryn aityp bergimiz keledi. Túptep kelgende bireýdiń sim-kartasy arqyly siz bóten adamnyń atynan áreket etesiz. Alaida mundai jaǵdaida kúnderdiń kúninde sim-kartańyzdan aiyrylyp qalýyńyz múmkin. Sebebi, onyń iesi basqa bireý. Ol adam kez kelgen ýaqytta operatorlyq keńsege kelip, ótinish jazyp, sim-kartany buǵattai alady. Operatordyń keńsesinde ol qońyraýlardyń, SMS pen internet-trafikterdiń detalizatsiiasyn júrgizip, nómirdiń atynan kimge qashan qońyraý shalynǵanyn bile alady», - dedi QR Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiia komitetiniń tóraǵasy Vitalii Iaroshenko.
Onyń aitýyna qaraǵanda, mundai nómir aiaq astynan buǵattalyp qalsa, azamat ol nómirde tirkelip turǵan aqshany alyp, basqa nómirge aýdara alady. Sebebi, naqty nómirdiń iesi de sol.
«Al eger sizdiń atyńyzdan bireý sim-kartany paidalanǵan jaǵdai týraly aityp bereiin. Ol sim-kartańyz arqyly belgisiz bireý zańǵa qaishy áreket ete alady. Bulai bolsa, quqyq qorǵaý organdarynyń qyzmetkerleri uialy operatorlarǵa ótinish jiberip, eń birinshi sizge keledi. Biraq, tártip saqshylary sizdiń atyńyzdy jamylyp, bul qylmysty jasaǵan adamdy izdeitini anyq. Sizdiń de mazańyz ketýi múmkin. Kollektorlyq firmalar týraly da bilesizder: keibireýler bóten sim-kartany paidalanyp, nesie alyp, nómirdi laqtyryp jibere alady. Aqyry, kollektorlar sizdiń mazańyzdy ala bastaidy», - dedi spiker.
Eske sala ketsek, osydan birneshe kún buryn Vitalii Iaroshenko uialy bailanys qyzmetiniń úzilý sebebin ataǵan bolatyn.
«Esterińizde bolsa, byltyr jyl boiy túsindirý jumystaryn júrgizgen bolatynbyz. Sol kezde telefon nómirlerin tirkeý týraly eskertýler jasaldy. Sebebi, 2019 jyldyń 1 qańtarynan bastap sim-kartany joǵaltyp qana qoimai, telefonǵa avtomatty túrde tirkelmegen sim-karta bekitilip ketedi. Tiisinshe, bekitilgen málimetterdiń barlyǵy IMEI-kodtardyń málimetter bazasyna kelip tústi. Operatorlar telefonyńyzǵa qyzmet kórsetý kezinde málimetter bazasyndaǵy aqparatty telefonyńyzdaǵy málimetpen salystyrady. Sáikessizdik anyqtalsa, operator mundai qurylǵyǵa qyzmet kórsetýdi toqtatady», - dedi ol.
