22 sáýirde Jalpyulttyq sotsial-demokratiialyq partiiasynyń saiasi keńesi partiia sezinde «Dat» gazetter jobasynyń jetekshisi, jýrnalist Ermurat Bapidy saiasi uiymnyń atynan sailaýǵa kandidat retinde usynatynyn habarlady.
"JSDP saiasi keńesi partiianyń 14-sezin 2019 jyldyń 26 sáýirinde ótkizýdi qaýly etip, 9 maýsymda bolatyn prezident sailaýyna Ermurat Bapidi úmitker retinde usyndy" delingen partiianyń resmi saitynda.
Ermurat Bapi túpkilikti sheshimdi sezd qabyldaitynyn, degenmen saiasi keńestiń sheshimin qoldaitynyn aitty.
“Sezde delegattar tarabynan qandai oi-pikir bolady, qandai usynys aitylady, basqa da úmitker bola ma ol jaǵyn aita almaimyn. Biraq saiasi keńes músheleriniń túgeldei meni qoldaǵannan keiin kelisimimdi berdim. Oiyn erejesi jalpyǵa ortaq bolmasa da azamattyq qoǵamnan, oppozitsiiadan úmitkerler usyný kerek, qatysý kerek degen sózdiń de áseri bar" dedi Ermurat Bapi.
Jalpyulttyq sotsial-demokratiialyq partiiasy – Qazaqstanda resmi tirkelgen jeti partiianyń biri. Sailaý týraly zańǵa engen sońǵy ózgeristerge sáikes, elde resmi túrde tirkelgen birlestikter men uiymdar ǵana prezidenttikke kandidat usyna alady. Jeke tulǵalar, azamattar óz-ózin usyna almaidy.
Qazaqstanda kezekten tys prezident sailaýy 9 maýsymǵa belgilengen.
Kandidattardy usyný 10 sáýirde bastalǵan. 28 sáýir keshki saǵat 18.00-de aiaqtalady.
