Josyqsyz qyzmet kórsetý belgileri bar uiymdardyń tizimi jariialandy, - dep habarlaidy "Ult aqparat" Qarjy naryǵyn retteý jáne damytý agenttiginiń baspasóz qyzmetine silteme jasap.
"Azamattardyń, qarjylyq qyzmetterdi tutynýshylardyń quqyqtaryn qorǵaý maqsatynda Agenttik josyqsyz qyzmet belgileri bar tulǵalar boiynsha, onyń ishinde is-áreketterine QNRDA-ǵa QR azamattarynyń shaǵymdary kelip túsken aqparat turaqty negizde ózektendiriledi.
Mundai tulǵalardyń (azamattar men uiymdardyń) óz betinshe jáne (nemese) deldaldardy tarta otyryp nemese joǵary kiristilik tóleýge ýáde bere otyryp, olardyń atynan basqa adamdar áreket etetin aqsha tartý jónindegi qyzmet belgileri bolady" - delingen habarlamada.
Tizim jeke jáne zańdy tulǵalardyń ótinishteri men shaǵymdaryn qaraý, memlekettik organdarmen jáne azamattyq qoǵam institýttaryn bildiretin qoǵamdyq uiymdarmen ózara is-qimyl negizinde qalyptastyrylǵan. Qazirgi ýaqytta tizimge 154 sýbekt kiredi.
"Tizimdegi sýbektilerdiń qyzmeti qarjylyq litsenziialaý jáne retteý aiasynan tys. Tiisinshe, klientterdiń olarǵa kórsetiletin qarjylyq qyzmetter boiynsha quqyqtary zańnamalyq turǵydan qorǵalmaǵan. Osyǵan bailanysty, Agenttiktiń tiziminde kórsetilgen tulǵalarmen qarjylyq operatsiialar jasaý Qazaqstan Respýblikasynyń azamattary úshin salynǵan qarajattan aiyrylýdyń joǵary táýekelderine alyp kelýi múmkin" - delingen aqparatta.
Vedomstvo málimetinshe, tizimdi jariialaý qoldanystaǵy alaiaqtyq shemalar men jalǵan aktivter týraly halyqtyń habardar bolýyn arttyrýǵa, tutynýshylarǵa osyndai kompaniialarǵa salymdar boiynsha shyǵyn alýdyń joǵary táýekeli týraly ýaqtyly eskertýge, osylaisha aldanyp qalý yqtimaldyǵyn boldyrmaýǵa múmkindik beredi.
