جوسىقسىز قىزمەت كٶرسەتۋ بەلگٸلەرٸ بار ۇيىمداردىڭ تٸزٸمٸ جارييالاندى, - دەپ حابارلايدى "ۇلت اقپارات" قارجى نارىعىن رەتتەۋ جەنە دامىتۋ اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
"ازاماتتاردىڭ, قارجىلىق قىزمەتتەردٸ تۇتىنۋشىلاردىڭ قۇقىقتارىن قورعاۋ ماقساتىندا اگەنتتٸك جوسىقسىز قىزمەت بەلگٸلەرٸ بار تۇلعالار بويىنشا, ونىڭ ٸشٸندە ٸس-ەرەكەتتەرٸنە قنردا-عا قر ازاماتتارىنىڭ شاعىمدارى كەلٸپ تٷسكەن اقپارات تۇراقتى نەگٸزدە ٶزەكتەندٸرٸلەدٸ.
مۇنداي تۇلعالاردىڭ (ازاماتتار مەن ۇيىمداردىڭ) ٶز بەتٸنشە جەنە (نەمەسە) دەلدالداردى تارتا وتىرىپ نەمەسە جوعارى كٸرٸستٸلٸك تٶلەۋگە ۋەدە بەرە وتىرىپ, ولاردىڭ اتىنان باسقا ادامدار ەرەكەت ەتەتٸن اقشا تارتۋ جٶنٸندەگٸ قىزمەت بەلگٸلەرٸ بولادى" - دەلٸنگەن حابارلامادا.
تٸزٸم جەكە جەنە زاڭدى تۇلعالاردىڭ ٶتٸنٸشتەرٸ مەن شاعىمدارىن قاراۋ, مەملەكەتتٸك ورگاندارمەن جەنە ازاماتتىق قوعام ينستيتۋتتارىن بٸلدٸرەتٸن قوعامدىق ۇيىمدارمەن ٶزارا ٸس-قيمىل نەگٸزٸندە قالىپتاستىرىلعان. قازٸرگٸ ۋاقىتتا تٸزٸمگە 154 سۋبەكت كٸرەدٸ.
"تٸزٸمدەگٸ سۋبەكتٸلەردٸڭ قىزمەتٸ قارجىلىق ليتسەنزييالاۋ جەنە رەتتەۋ اياسىنان تىس. تيٸسٸنشە, كليەنتتەردٸڭ ولارعا كٶرسەتٸلەتٸن قارجىلىق قىزمەتتەر بويىنشا قۇقىقتارى زاڭنامالىق تۇرعىدان قورعالماعان. وسىعان بايلانىستى, اگەنتتٸكتٸڭ تٸزٸمٸندە كٶرسەتٸلگەن تۇلعالارمەن قارجىلىق وپەراتسييالار جاساۋ قازاقستان رەسپۋبليكاسىنىڭ ازاماتتارى ٷشٸن سالىنعان قاراجاتتان ايىرىلۋدىڭ جوعارى تەۋەكەلدەرٸنە الىپ كەلۋٸ مٷمكٸن" - دەلٸنگەن اقپاراتتا.
ۆەدومستۆو مەلٸمەتٸنشە, تٸزٸمدٸ جارييالاۋ قولدانىستاعى الاياقتىق سحەمالار مەن جالعان اكتيۆتەر تۋرالى حالىقتىڭ حاباردار بولۋىن ارتتىرۋعا, تۇتىنۋشىلارعا وسىنداي كومپانييالارعا سالىمدار بويىنشا شىعىن الۋدىڭ جوعارى تەۋەكەلٸ تۋرالى ۋاقتىلى ەسكەرتۋگە, وسىلايشا الدانىپ قالۋ ىقتيمالدىعىن بولدىرماۋعا مٷمكٸندٸك بەرەدٸ.
