QR Prezidenti Qasym-Jomart Toqaev Almaty qalasynyń jáne shahar mańyndaǵy demalys jáne týrizm oryndarynyń sanitarlyq jaǵdaiyna nazar aýdardy, dep habarlaidy "Ult aqparat".
«Áleýmettik jelilerge júrgizilgen monitoring pen azamattardyń ótinishterin taldaý kezinde qalanyń demalys jáne týrizm aimaqtarynyń sanitarlyq jaǵdaiy máz emes ekeni anyqtaldy...Úlken Almaty kóli (Josaly kóli), Medeý jáne basqa da demalys oryndaryna qoqys tastaý ádettegi jaǵdaiǵa ainaldy. Tek aǵymdaǵy jyldyń ózinde ákimdik 86 qaýipti qoqys alańyn anyqtady, onyń 55-i áli joiylǵan joq», - dedi Memleket basshysy Almaty qalasyn damytý máseleleri jónindegi keńeste.
Prezident sondai-aq atalǵan jaǵdailarǵa bailanysty ákimdikke tapsyrma berdi.
«Ákimdikke Ekologiia jáne geologiia, tabiǵi resýrstar ministrligimen birlesip, týristik nysandardyń lastanýyn boldyrmaýǵa jáne qoqys oryndaryn joiýǵa arnalǵan sharalar qabyldaýdy tapsyramyn. Qaldyqtardy qaita óńdeýdi uiymdastyrý kerek, búginde Almatyda bul tek 11%-dy quraidy. Qalada qoqysty qaita óńdeitin zamanaýi kásiporyndar joq», - dedi Qazaqstan Prezidenti.
