EL BOLAMYN DESEŃ - ÁLIPBIIŃDI TÚZE!
Baiqap qarap otyrsań, latyn álipbii bizge bolashaǵymyz úshin óte kerek nárse eken. Latyn álipbiimen ósken urpaq orystyń árpi men tiline telmirgendi qoiyp, sanasy otarsyzdanady da, álemdik naryqty igere bastaidy. Iaǵni, "orys álemimen" bailanysyn úzip, quldyq psihologiianyń qamytynan qutylady.
Dál qazir osy quldyq psihologiia eki-aq nársege súienip tur. Orystyń tili men alfavitine. Eger ekeýin alyp tastasaq, otarsyzdaný (dekolonizatsiia) protsesi ózi-aq tabiǵi túrde jalǵasyp kete beredi eken... Buryn buǵan mán bermeppin. Ázirbaijan men Grýziiadaǵy reformalarǵa qarap otyryp, olardyń az ǵana ýaqytta osyndai jetistikke jetkenin baiqadym. Ony ózderi de sezbeitin sekildi. Myna kirillitsa «orys áleminiń» kúretamyry ekenine endi kózim jetip otyr.
Ótken ǵasyrdyń basynda otarshyldar qazaqty dúbáralai túsý úshin birneshe ret alfavitin aýystyrǵany sekildi, orysquldyqtan da onyń álipbiiniń kózin qurtsaq qana qutylamyz. Kommýnister de kezinde halyqty ótkenin oqi almaityndai etip dúmshelep jiberý úshin eń aldymen alfavitin aýystyryp, zamandas bolǵan birneshe urpaqty biriniń jazǵanyn biri túsinbeitindei qylyp jibergen ǵoi. Bizge de alda dál osyndai taktikany qoldanyp, jastarǵa «pereformatirovanie» jasaý kerek. Kirillitsany alyp tastasaq, keiingi býyn da ótken quldyq kezeńmen bailanysyn úzip, jańa ideologiiaǵa beiimdele bastaidy....
Jolymbet Mákishtiń feisbýktaǵy jazbasynan
