Qazaqstan halqy Assambleiasynyń Túrkistan qalasyndaǵy ókilderi QR Prezidenti Qasym-Jomart Toqaevtyń Joldaýynda aitylǵan baǵyttar men mindetterdi qoldady. Onlain formatta ótken jiynǵa Túrkistan oblystyq qoǵamdyq damý basqarmasy basshysymen birge, túrli etno-mádeni birlestikterdiń músheleri qatysty, dep habarlaidy «Ult aqparat».
Túrli ult ókilderi bas qosqan jiyndy Túrkistan oblystyq qoǵamdyq damý basqarmasy basshysynyń mindetin atqarýshy Dáýren Sariev ashyp, júrgizip otyrdy. Zaiyrly memlekettik ereksheligi – elimizde etnos ókilderiniń tatý-tátti ómir súrýi ekenin atap ótken basqarma basshysy negizgi mindetterdi atap ótti.
«Barshańyzǵa belgili, Qazaqstan Respýblikasynyń Prezidenti Qasym-Jomart Kemeluly Toqaevtyń halqyna joldaǵan Joldaýy bolashaǵymyzdyń irgesin nyqtaýǵa mindetteidi. Prezidentimiz bul jóninde etnosaralyq qatynastardyń qanshalyqty mańyzdy ekenin árbir azamat túsinýi kerek ekenin atap ótti. Qazaqstan halqynyń birtutastyǵy men dostyǵyn, biregeiligin nyǵaitýda Qazaqstan Halqy Assambleiasynyń da úlesi zor dep bilemin», - dedi Túrkistan oblystyq qoǵamdyq damý basqarmasy basshysynyń mindetin atqarýshy Dáýren Nurlanuly.
Sonymen qatar, atalǵan onlain jiynǵa Túrkistan oblystyq ózbek etnomádeni birlestiginiń tóraǵasynyń orynbasary Shamyrza Madaliev men Qazaqstan halqy Assambleiasy janyndaǵy Túrkistan oblystyq Qoǵamdyq kelisim keńesiniń múshesi Marina Limarenko, Qazaqstan halqy Assambleiasynyń múshesi Shokir Babaev pen Túrkistan oblystyq QHA janyndaǵy Ǵylymi-sarapshylyq top múshesi Turǵanbai Abdrasilovtar qatysty.
«Prezident Qasym-Jomart Kemeluly Toqaevtyń Joldaýyna qoldaý bildirý barshamyzdyń azamattyq mindetimiz dep bilemin. Qazaqstan 130-lan astam ult ókilderin bir shańyraq astyna syidyryp otyrǵan ǵajaiyp memleket. Biz elimizdiń, halqymyzdyń birtustatyǵyn saqtap otyrǵan memleketimizdiń árbir azamatynyń eńbegi eren. Biz osyndai jiyndar arqyly elimizdiń, Prezidetimizdiń árbir isine qoldaý bildiremiz. Túrkistan qalasynda ózbek ultynyń ókilderi kóp. Qazaq-ózbek bir týǵan aǵaiyndai, alaqandai qalada tatý-tátti ómir súrip otyrmyz», - Túrkistan oblystyq ózbek etnomádeni birlestiginiń tóraǵasynyń orynbasary Shamyrza Madaliev.
Al Qazaqstan halqy Assambleiasy janyndaǵy Túrkistan oblystyq Qoǵamdyq kelisim keńesiniń múshesi Marina Limarenko Túrkistan oblysy qurylǵany Asambleianyń da qyzmeti arta túskenin atap ótti.
«Barshańyzǵa belgili, Prezident Qasym-Jomart Toqaev Túrkistan oblysyn qurǵaly bizdiń oblysqa degen qyzyǵýshylyq da, nazar da erekshe aýdarylýda. Onyń ishinde úlken oblysqa ailanyp otyrǵan bizdiń mekende qanshama ult ókilderi ómir súredi. Osy oraida oblys úlkeigen saiyn Qazaqstan halqy Assambleiasynyń da qyzmeti arta tústi. Óitkeni ár aýdanda, ár qalada ár túrli ult ókilderi, etnos ókilderi qazaq halqymen birge jasap keledi. Biz Qazaqstan halqy Assambleiasynyń árbir múshesi Prezidenttiń halyqqa Joldaýyn qoldai otyryp, búgingi beibit ómirimiz úshin sheksiz alǵysymyzdy bildiremiz», - deidi Qazaqstan halqy Assambleiasy janyndaǵy Túrkistan oblystyq Qoǵamdyq kelisim keńesiniń múshesi Marina Limarenko.
Esterińizge sala keteiik, Qazaqstan halqy Assambleiasynyń Túrkistan qalasyndaǵy ókilderi QR Prezidenti Qasym-Jomart Toqaevtyń Joldaýynda aitylǵan baǵyttar men mindetterdi qoldady. Onlain formatta ótken jiynda Túrkistan oblystyq qoǵamdyq damý basqarmasy basshysymen birge, túrli etno mádeni birlestikterdiń músheleri qatysty. Sonymen qatar, jiynda Túrkistan oblystyq ózbek etnomádeni birlestiginiń tóraǵasynyń orynbasary Shamyrza Madaliev men Qazaqstan halqy Assambleiasy janyndaǵy Túrkistan oblystyq Qoǵamdyq kelisim keńesiniń múshesi Marina Limarenko, Qazaqstan halqy Assambleiasynyń múshesi Shokir Babaev pen Túrkistan oblystyq QHA janyndaǵy Ǵylymi-sarapshylyq top múshesi Turǵanbai Abdrasilovtar Memleket basshysynyń alǵa qoiǵan mindetteri men aldaǵy ýaqytta elimizde atqarylatyn jumystardyń mańyzdylyǵy jaiynda aita kele, ortaq shańyraq – Qazaqstandy órkendetýge úles qosý barshamyzdyń azamattyq boryshymyz ekenin sóz etti.
