Prezident Joldaýynda qoljetimdi jáne sapaly bilim berýdi sheshý joldary anyqtalǵan. Bul týraly Almaty qalasynyń Bilim salasynda sapany qamtamasyz etý departamentiniń basshysy Gúlnara Ermekbaeva onlain brifing barysynda aitty, dep habarlaidy QazAqparat.
«2020 jylǵy 1 qyrkúiektegi Qazaqstan halqyna Joldaýynda Memleket basshysy Qasym-Jomart Toqaev qoljetimdi ári sapaly bilim alýdy, balalardyń mektepke deiin jan-jaqty damý máselesin, 2025 jylǵa deiin 6 jasqa deiingi balalardy 100 paiyz mektepke deiingi oqý men tárbiemen qamtýdyń sheshý joldaryn aiqyndady. Sondai-aq, balalarymyz qai jerde tursa da, qandai tilde oqysa da sapaly bilim alýy kerek ekenin atap aitty. Prezident Úkimetke Qazaqstan halqynyń turmys jaǵdaiy men ál-aýqatyn jaqsartý máselesi boiynsha naqty tapsyrma berdi. Bilim berý áleýetin kóterý barysynda qomaqty qarajat bólinýi josparlanýda», – dedi departament basshysy.
Sonymen birge, ol balalarǵa ekologiia jaily tárbie berý jáne jalpy ekologiialyq mádenietti damytýǵa erekshe mán berilgenin aitty.
«Prezident elimizdiń árbir azamatyna qatysty ekologiia men qorshaǵan ortany qorǵaý máselesine de toqtaldy. Balalarǵa qorshaǵan ortaǵa qurmetpen qaraýdy, tabiǵatqa degen oilaý qabiletin damytýdy qalyptastyrý. Qorshaǵan ortamen qarym qatynasta bolýdy, ósimdikter men janýarlarǵa qamqorlyq kórsetýdi, tabiǵatpen úilesimdi ómir súrýdi balaǵa erte jastan úiretý qajet. Osyǵan bailanysty mektepterde kázirgi ýaqytta «Ekologiia» páni oqytylýda», – deidi G. Ermekbaeva.
Sondai-aq, ol Prezidenttiń erekshe nazaryna alynǵan máselelerdiń biri balalar quqyǵyn qorǵaý ekenin atap ótti.
«Balalardy kiberbýllingten qorǵaý, sport sektsiialary men úiirmelerine qosa qosymsha bilim berý mekemelerin ashý ákimdikter men bilim berý mekemeleriniń júzege asyratyn isi bolyp tabylady», – dep tolyqtyrdy spiker.
