Qoǵam qairatkeri, biznesmen jáne «Global Procurement Company» kompaniiasynyń negizin qalaýshy Oljas Súleimenov Prezident Qasym-Jomart Toqaevtyń Qazaqstan halqyna kezekti Joldaýyna qatysty pikir bildirdi, dep habarlaidy QazAqparat.
«Prezidentimiz Qasym-Jomart Kemeluly Toqaevtyń búgingi Joldaýynda biraz mańyzdy máseleler aityldy. Meni qýantqany, Prezidentimiz júz myńnan astam jańa IT-mamandaryn daiarlaýdy tapsyrdy. Ol degenimiz, ásirese, búgingidei indet beleń alyp turǵan tusta elimizdiń bilim salasyna jáne t.b. salalardyń damýyna zor septigin tigizbek. Sebebi, qazirgidei bári onlain júrip jatqan ýaqytta IT-mamandar tapshylyǵy aiqyn sezilip otyr» dedi Oljas Súleimenov.
Onyń aitýynsha, búgingi tańda aqparattyq tehnologiialar erekshe nazar aýdarýdy qajet etetetin baǵyttardyń biri bolyp otyr. Prezidenttiń osy másele jóninde sóz qozǵaǵany qýantarlyq jaǵdai.
«Ekinshiden, memleket basshysy oqytýshylardy daiarlaý úshin memlekettik biýdjetten 1,2 trln teńge bólinetinin atap ótti. Bul bizdiń bilim salasynyń damýyna úlken úles qosyp, oqytýshylarymyzǵa úlken qoldaý bolary anyq» - deidi ol.
