Elbasynyń Joldaýyn júzege asyrý aiasynda pedagogtar men dárigerlerge jáne politseilerge «7-20-25» baǵdarlamasy boiynsha bastapqy jarna tómendetiledi. Bul týraly «Baspana» ipotekalyq uiymy» AQ basqarma tóraǵasy Qairat Altynbekov málim etti, dep habarlaidy QazAqparat.
«Memleket basshysynyń Qazaqstan halqyna Joldaýynda berilgen naqty tapsyrmalaryn júzege asyrý maqsatynda, bilikti ustazdar, dárigerler, politsiia qyzmetkerleri jáne óńirge qajet basqa da mamandyq ielerine «7-20-25» baǵdarlamasynyń bastapqy jarnasyn tómendetý boiynsha jumystar bastaldy. Qazirgi tańda Shymkent qalasy, Aqtóbe, Almaty, Pavlodar, Soltústik Qazaqstan oblystarynyń ákimdikterimen tiisti memorandýmdarǵa qol qoiyldy», - dedi Qairat Altynbekov Parlament Senatynyń depýtattarymen ótken kezdesýde.
Budan buryn habarlanǵandai, Qairat Altynbekov Senat depýtattaryna «7-20-25» baǵdarlamasynyń júzege asyrylý barysyn baiandady.
Onyń atap ótýinshe, baǵdarlamaǵa Turǵyn úi qurylys jinaq banki men Sberbank qatysýy múmkin.
