Prezidenttiń baspasóz hatshysy Berik Ýáli Memleket basshysynyń Qazaqstan halqyna Joldaýynda aitylǵan mindettiń qalai oryndalǵany týraly jelidegi paraqshasynda jazdy, dep habarlaidy "Ult aqparat".
Berik Ýáli 2020 jylǵy 1 qyrkúiekte jariialanǵan Memleket basshysy Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Joldaýynan úzindi keltirip, sol mindettiń búginde iske asqanyn dáleldeitin aqparat jariialady.
«Úkimettiń aldynda alǵashqy dárigerlik kómekti uiymdastyrý tásilderin túbegeili qaita qaraý mindeti tur. Bul qyzmet qalyń jurtshylyq, ásirese, aýyl turǵyndary úshin meilinshe jedel ári qoljetimdi bolýǵa tiis», - dedi Prezident.
Atalmysh tapsyrmaǵa qatysty oryndalǵan sharalar tizbesi jariialanǵan.
«Samuryq-Qazyna» UÁQ» aktsionerlik qoǵamy pandemiia kezińinde aýrýhanalarǵa
- 168 ókpege jasandy jolmen dem berý apparatyn,
- 875 ottegi kontsentratyn,
- 1020 pýlsoksimetr,
- 100 sanitarlyq mashina,
- «Avifavir» preparatynyń 3 000 qaptamasyn,
- SINOFARM vaktsinasynyń 1 million dozasyn (BAÁ) jetkizdi.
Sondai-aq 15 jańa ońaltý ortalyǵy men 3 erte aralasý ortalyǵyn jasaqtaý jumysy qarjylandyryldy», delingen habarlamada.
