Prezident Qasym-Jomart Toqaev Úkimet pen Ulttyq bankke memleket qarajatyn basqarý tujyrymdamasyn ázirleýdi tapsyrdy, dep habarlaidy Sputnik Qazaqstan.
Toqaev biýdjet kiristerin ulǵaitý boiynsha sharalar qabyldaý qajet ekenin atap ótti.
"Biraq, eń aldymen, memlekettik shyǵyndardyń kólemi men tiimdiligin baqylaý qajet. Ulttyq qordyń aktivterin qalpyna keltirý úshin biýdjettik erejelerdi engizýdi jedeldetý kerek", dedi Memleket basshysy jyl saiynǵy Joldaýynda.
Aitýynsha, tiisti zańnamalyq ózgerister osy jyldyń sońyna deiin qabyldanýǵa tiis.
"Jalpy, elge memlekettik qarjyny, memlekettik boryshty, biýdjettik saiasatty, Ulttyq qordy basqarý jóninde erejeler toptamasy qajet. Úkimet pen Ulttyq bankten jyl sońyna deiin memleket qarajatyn basqarý tujyrymdamasyn ázirleýdi suraimyn", - dedi Toqaev.
